Responder a un requirimento de emenda

Se recibe unha comunicación da administración na que se lle require que emende unha solicitude corrixindo información ou achegando máis documentación poderá facelo a través da sede elecrónica.

1. Prepare a información e os documentos a achegar

A través da "Guía de procedementos e servizos" acceda á ficha informativa do trámite que vai realizar.

Na pestana "Requisitos e documentación" figura a listaxe de documentos requiridos para a presentación.

No apartado "Anexos asociados" están dispoñibles os modelos dos documentos requiridos, no caso de que os houber.

2. Acceda ao expediente no seu espazo persoal

Acceda ao seu espazo persoal "A miña sede" e identifíquese empregando calquera das opcións de identificación dispoñibles.

Busque o expediente ou solicitude que ten que emendar no apartado "Expedientes e presentacións".

Seleccione no menú "Acción" do expediente a opción "Emenda".

* Só no caso de que o expediente non apareza no seu espazo persoal, ou a opción "Emenda" non estivese dispoñible para o expediente, poderá realizar a emenda utilizando a solicitude xenérica.

3. Cubra o formulario de emenda

Cubra o formulario indicando os datos ou documentos achegados para a emenda.

4. Anexe os documentos requiridos

Anexe os documentos que teña que presentar.

5. Asine o formulario

Finalice a presentación da emenda premendo o botón "Asinar e enviar".

6. Descargue o xustificante

O xustificante estará dispoñible para a súa consulta ou descarga accedendo á presentación, no apartado "Últimos expedientes e presentacións" de "A miña sede".