Compartir un borrador con outra persoa

Na sede electrónica pode preparar unha solicitude para que outra persoa a asine e a presente no rexistro electrónico.

Esta opción está dispoñible só para algúns dos procedementos da Guía de procedementos e servizos.

1. Activación

Para poder compartir un borrador é necesario que a persoa coa que o quere compartir teña  activada esta opción, que está dispoñible, dentro de "A miña sede", no menú  "Os meus datos" no apartado "Preferencias".

icona

icona

2. Prepare o borrador que quere compartir

Busque o procedemento ou o servizo na "Guía de procedementos e servizos" e prema en "Tramitar en liña" para iniciar o trámite electrónico (deberá identificarse no seu espazo persoal empregando algún dos sistemas de autenticación admitidos nesta sede).

Cubra o formulario (non é preciso que os seus datos figuren nel), anexe a documentación que corresponda e garde a información.

3. Comparta o seu borrador

Utilice a opción "Compartir borrador" que atopará:

  • Continuando ata o paso "Sinatura de documentos", antes de finalizar a presentación electrónica

icona

  • Nas accións dispoñibles na columna "Que podo facer?" da listaxe de borradores do menú "Procedementos e borradores"

icona

Se a opción "Compartir borrador" ou "Compartir" non está dispoñible é porque non é posible realizala no procedemento concreto que vostede está preparando.

4. Indique con quen desexa compartir o borrador

Indique o NIF da persoa coa que desexa compartir o borrador e prema en "Gardar".

icona

Teña en conta que a persoa coa que vai compartir o borrador terá acceso tanto ao formulario da solicitude como á documentación anexada ata ese momento.

Unha vez compartido, vostede perderá a visibilidade sobre o mesmo.

Lembre que para poder compartir o borrador é necesario que a persoa titular do NIF sinalado teña previamente activado en "Os meus datos" que outras persoas lle poidan compartir borradores. De non ser así, cando vostede prema en "Gardar" para compartirlle o borrador, mostrarase un aviso e non poderá continuar.

5. Acceso ao borrador por parte da persoa coa que o compartiu

A persoa titular do NIF que indicou no paso anterior atopará o borrador na listaxe de borradores do menú "Procedementos e borradores" diferenciado por unha icona que indicará (poñendo o cursor enriba da icona) que se trata dun borrador que lle foi compartido, coa data e o nome da persoa que o compartiu

icona

Poderá modificar, gardar e, se así o desexa, asinar e finalizar a presentación no rexistro electrónico.

O borrador da solicitude pode ser compartido tantas veces como se desexe.