Para xestionar os seus expedientes, debe acceder ao seu espazo persoal premendo en "A miña sede" e, a continuación, identificarse empregando calquera dos sistemas de autenticación admitidos.

Aparecerán os seus últimos expedientes, presentacións e borradores coa información detallada de cada un deles (número de expediente/rexistro, código e nome do procedemento...).

Tamén, no apartado “Inicio” da “Miña Sede” terá acceso directo aos últimos expedientes e borradores. Desde este apartado, se desexa ver todos os seus expedientes e presentacións ou todos os borradores, prema no botón "Ver todos os expedientes"  ou "Ver todos os borradores” segundo corresponda.

Ao acceder á pantalla de busca pode buscar expedientes ou borradores por distintos criterios ou localizalos directamente se coñece o código de acceso.

Poderá realizar accións concretas sobre un expediente (achegar documentación adicional, mellorar unha solicitude, modificar os seus datos de notificación etc.), sempre que estean dispoñibles, desde:

• O listado dos seus últimos expedientes, presentacións e borradores, premendo o botón "Accións"
• O detalle do expediente electrónico, premendo no botón "Accións".