Localiza o procedemento ou servizo na guía de procedementos e servizos a través dos filtros dispoñibles.

Consulta a información do trámite e a documentación obrigatoria para presentar a solicitude que figura na pestana "Requisitos e documentación" no apartado "Documentación para a presentación".

No caso de que o procedemento non figure na guía, revisa o apartado solicitude xenérica.

Preme en "Tramitar en liña" para iniciar o trámite electrónico e identifícate empregando algún dos sistemas de autenticación admitidos por esta sede. 

Cubre o formulario e lembra que podes gardalo en calquera momento para recuperalo máis adiante desde o apartado "Borradores" de "A miña sede".

Cando falte información obrigatoria ou se atopen erros na información introducida mostrarase un aviso e sinalaranse os erros en cor vermella.

Cando o teñas cuberto, preme en "Continuar".

Anexa a documentación que necesites presentar. 

Podes consultar aquí como enviar ficheiros de gran tamaño ou os formatos admitidos por esta sede.

Asina o formulario a través da opción dispoñible en pantalla.

O xustificante estará dispoñible, para a súa consulta ou descarga, accedendo á presentación, no apartado “Expedientes" de "A miña sede".