Para acceder aos seus expedientes, presentacións e borradores o primeiro que debe facer é acceder ao seu espazo persoal premendo en A miña sede e, a continuación, identificarse empregando calquera dos certificados admitidos nesta sede, Chave365 ou Cl@ve.

Poderá ver na súa bandexa de entrada (‘INICIO’) os seus últimos expedientes, presentacións e borradores nos que o seu NIF figure como interesado/a ou representante e o seu rol de participación en eles.

Pode acceder á busca avanzada dende a pantalla de Inicio de “A miña sede” marcando a opción “Ver todos os expedientes” ou ben directamente a través da opción “Expedientes” dispoñible no menú de “A miña sede”. Na busca avanzada do buscador de expedientes e presentacións atopará o filtro "Actúo como" onde poderá seleccionar o rol de participación co cal quere facer o filtro.

Por exemplo, se vostede selecciona "Representante" e preme en "Buscar" no resultado da busca soamente se mostrarán aqueles expedientes e presentacións nos que o seu NIF figure como representante.