Para poder compartir un borrador é necesario que a persoa coa que o queres compartir teña  activada esta opción, que está dispoñible, dentro de "Área Privada", no menú  "O meu perfil" no apartado "Preferencias".

Busca o procedemento ou o servizo na "Guía de procedementos e servizos" e preme en "Tramitar en liña" para iniciar o trámite electrónico (Se non estás dentro de "A miña sede" deberás identificarte no teu espazo persoal empregando algún dos sistemas de autenticación admitidos nesta sede).

Cubre o formulario (non é preciso que os teus datos figuren nel), anexa a documentación que corresponda e garda a información.

Utiliza a opción "Compartir borrador" que atoparás:

• Continuando ata o paso "Firmar e presentar no rexistro", antes de finalizar a presentación electrónica

• Introduce o NIF da persoa coa que queres compartir o borrador e confirma

• Tamén podes gardar o borrador e compartilo máis adiante a través das accións dispoñibles no menú "Accións" que podes atopar no apartado de borradores accedendo a través da opción "Borradores" do menú "Expedientes"

Se a opción "Compartir borrador" ou "Compartir" non está dispoñible é porque non é posible realizala no procedemento concreto que estás preparando.

Ten en conta que a persoa coa que vas a compartir o borrador terás acceso tanto ao formulario da solicitude como á documentación adxuntada ata ese momento.

Unha vez compartido, perderás a visibilidade sobre o mesmo.

Lembra que para poder compartir o borrador é necesario que a persoa titular do NIF sinaado teña previamente activado en "O meu perfil" sección “Preferencias”, que outras persoas che poidan compartir borradores.

Do contrario, cando presiones en "Gardar" para compartirlle o borrador, mostrarase un aviso e  non poderás continuar.

A persoa titular do NIF que indicaches no paso anterior atopará o borrador na listaxe de borradores do menú "Expedientes" diferenciado por unha icona que indicará (poñendo o cursor enriba da icona) que se trata dun borrador que che foi compartido, coa data e o nome da persoa que o compartiu

Poderás modificar, gardar e, se así o desexa, asinar e finalizar a presentación no rexistro electrónico.

O borrador da solicitude pode ser compartido tantas veces como se desexe.