Trámites
Ir á sección pai
Presentación de suxestións e queixas
Presentación de suxestións e queixas
Definición
O Decreto 129/2016, do 15 de setembro, polo que se regula a atención á cidadanía no sector público autonómico de Galicia, recolle o dereito de todas as persoas (físicas e xurídicas) a presentar:
- Suxestións, entendidas como propostas de mellora dos servizos públicos.
- Queixas, relativas ao funcionamento dos servizos públicos autonómicos, como poden ser tardanzas, desatencións, anomalías ou outras incidencias.
No apartado de presentación figura un enlace directo para a tramitación de suxestións e queixas/reclamacións dos ámbitos:
- Sanitario
- Xudicial
- Educativo
- Reclamacións en materia de consumo
Os escritos referidos a outras administracións ou institucións (por exemplo a concellos, á Valedora do Pobo etc) deben dirixirse ao órgano competente a través do correspondente modelo normalizado.
Contan coa súa propia tramitación e non teñen a consideración de suxestións ou queixas:
- Reclamacións patrimoniais
- Recursos administrativos
- Reclamacións previas
- Responsabilidade disciplinaria do persoal ao servizo da administración
Presentación
1. Presentación de suxestións ou queixas relativas ao funcionamento do sector público autonómico.
- Electrónica, a través desta sede:
Suxestións- Presencial, cubrindo o modelo normalizado:
Despois debe presentarse este modelo asinado en calquera das oficinas que integran o Sistema único de rexistro
- Telefónica: chamando ao teléfono 012/981 900 643
2. Presentación de suxestións e queixas do ámbito sanitario, educativo e xudicial e reclamacións en materia de consumo:
- Sanidade
- Educación: solicitude xenérica dirixida á SXT da Consellería de Educación, Ciencia, Universidades e Formación Profesional
- Xustiza
- Consumo
3. Presentación doutros escritos:
- Reclamacións patrimoniais
- Recursos administrativos
- Reclamacións previas
- Responsabilidade disciplinaria do persoal ao servizo da administración
Estes escritos tramítanse a través do formulario específico, ou no seu defecto, a través da solicitude xenérica dirixida ao órgano competente na materia.
Tramitación
A Oficina de Defensa das Persoas Usuarias dos Servizos Públicos é a encargada de tramitar as suxestións e queixas que a cidadanía presenta en relación ao funcionamento dos servizos públicos autonómicos.
Esta oficina está adscrita á Dirección Xeral de Simplificación administrativa e do Patrimonio, que forma parte da Consellería de Facenda e Administración Pública e procede da seguinte forma na tramitación destes escritos:
- Recibe as suxestións (PR003A) e queixas (PR002A).
- Se se cumpren os requisitos legais, solicita informe á consellería competente na materia, notificándollo á persoa interesada.
- Remite o informe á persoa interesada, cun prazo de alegacións no caso das queixas (non está previsto nas suxestións). O prazo de contestación é de 1 mes desde que o escrito ten entrada na oficina.
- No suposto de alegacións, emítese un novo informe dando resposta ás mesmas.
- Arquivo do expediente.
De cara a mellorar a atención que se presta á cidadanía e avanzar no compromiso da administración en prestar un servizo eficiente, de calidade e próximo, analízanse as suxestións e queixas presentadas ao longo do ano para realizar propostas de mellora naqueles servizos que contan con maior número de suxestións ou queixas ou que afectan de forma significativa á cidadanía.
Estas propostas publícanse no portal de transparencia da Xunta de Galicia.