Para acceder aos seus expedientes, presentacións e borradores o primeiro que debe facer é acceder ao seu espazo persoal premendo en A miña sede e, a continuación, identificarse empregando calquera dos certificados admitidos nesta sede, Chave365 ou Cla@ve.

Poderá ver na súa bandexa de entrada os seus últimos expedientes, presentacións e borradores nos que o seu NIF figure como interesado/a ou representante e o seu rol de participación en eles.

No apartado "Últimos borradores" da súa bandexa de entrada, prema no botón "Ver todos os borradores" para acceder á busca avanzada do buscador de borradores e acceda a través da opción borradores do apartado "Expedientes" do menú de "A miña sede".

Na busca avanzada do buscador de borradores atopará as seguintes opcións para a súa desactivación/activación:

• Mostrar todos os borradores que lle foron compartidos: desactivando esta opción, no resultado da busca non se mostrarán os borradores que lle foran compartidos por outras persoas (máis información en Como podo compartir un borrador con outra persoa?).
• Mostrar só os borradores marcados pola persoa autorizada como listos para asinar: desactivando esta opción, no resultado da busca non se mostrarán os borradores que lle foran marcados para a súa sinatura polas persoas ás que lle outorgase una autorización para a xestión de borradores na sede electrónica (máis detalle en Como podo crear unha autorización?).