Ensinanzas artísticas
O ensino das ensinanzas artísticas na Comunidade Autónoma de Galicia engloba un amplo espectro estudos de diversos niveis enfocados ao cultivo da música, da danza, das artes plásticas e o deseño, da arte dramática e da conservación e restauración de bens culturais. O goberno autonómico dispón de programas de axuda para facilitar o camiño a tódolos estudantes que avoguen por se formar e profesionalizar neste sector artístico, tan necesario para a comunidade educativa en particular e para a sociedade en xeral.
Entre as ferramentas de apoio ás ensinanzas artísticas das que dispón a Xunta de Galicia atópanse varias liñas de axudas económicas, incluídas as complementarias ás bolsas Eramus+ para os estudos superiores, os premios extraordinarios para as ensinanzas artísticas profesionais, os premios fin de carreira para as ensinanzas artísticas superiores ou as axudas dirixidas ás escolas de música, que procuran contribuír á mobilidade dos estudantes e ao impulso da formación musical desde os seus alicerces.
03/04/2024 00:00 - 02/05/2024 23:59 Axudas complementarias no marco do Programa comunitario de mobilidade Erasmus+, destinadas ao alumnado que cursa ensinanzas artísticas superiores en centros públicos de Galicia.
08/06/2023 00:00 - 07/07/2023 23:59 Subvencións a escolas de música públicas
08/06/2023 00:00 - 07/07/2023 23:59 Subvencións a escolas de música privadas dependente de institucións sen ánimo de lucro.
17/06/2023 00:00 - 17/07/2023 23:59 Premios extraordinarios nas ensinanzas artísticas profesionais de música, danza, e de artes plásticas e deseño na Comunidade Autónoma de Galicia.
26/09/2023 00:00 - 25/10/2023 23:59 Premios fin de carreira da Comunidade Autónoma de Galicia para o alumnado que rematou os seus estudos de ensinanzas artísticas superiores en centros públicos de Galicia.