PR003A - Suxestión. - Sede electrónica

Guía de procedementos e servizos

Ir á sección pai

Detalle procedemento

Escoitar

PR003A

Suxestión.

Procedemento dirixido a: Cidadáns, Empresas e profesionais

Aberto todo o ano

Consellería de Facenda e Administración Pública

TRAMITAR PRESENCIALMENTE

Este procedemento emprégase para presentar suxestión por parte de calquera persoa física ou xurídica. Considéranse suxestións todas aquelas iniciativas e propostas, que teñan como finalidade mellorar a organización e/ou a calidade dos servizos prestados polo sector público autonómico e, en especial, aquelas que poidan contribuír a simplificar, reducir ou eliminar trámites na súa relación coa Administración (agás para os ámbitos relativos a educación, sanidade e xustiza que se rexen pola súa normativa específica).

Se desexa presentar unha suxestión en calquera destes ámbitos debe facelo a través das seguintes ligazóns:

Que é e para que serve
Quen pode solicitalo
Cando se pode solicitar
Como se tramita
Que documentación hai que presentar
Que vai pasar despois de que o presente
Onde obter máis información
Normativa aplicable

Este procedemento ten por obxecto a presentación dunha suxestión por parte de calquera persoa física ou xurídica. Considéranse suxestións todas aquelas iniciativas e propostas, presentadas por escrito por calquera persoa física ou xurídica, que teñan como finalidade mellorar a organización e/ou a calidade dos servizos prestados polo sector público autonómico e, en especial, aquelas que poidan contribuír a simplificar, reducir ou eliminar trámites na súa relación coa Administración.

Persoas físicas ou xurídicas.

Prazo de presentación: Aberto todo o ano

Podes presentar esta solicitude de dous xeitos:

Por internet, a través da sede electrónica da Xunta de Galicia.
Presencialmente, nunha oficina de rexistro ou noutros lugares autorizados.

Se pertences a algún destes grupos, tes que presentar a solicitude electronicamente:

Persoas xurídicas.
Entidades sen personalidade xurídica.
Profesionais que deban estar colexiados para exercer a súa actividade.
Empregados públicos, cando realicen un trámite por razón da súa condición de empregado público.
Traballadores e traballadoras autónomos.
Estudantes universitarios.
Persoas que representen a calquera dos grupos anteriores.

Tramitar en liña

A solicitude pódela presentar electronicamente a través do botón “Tramitar en liña” dispoñible nesta páxina.

Para presentar a solicitude en liña:

Pulsa o botón «Tramitar en liña» desta páxina.
Identifícate electronicamente.
Firma a solicitude cun sistema de sinatura electrónica admitido.

Podes consultar os sistemas de identificación e firma admitidos na sede electrónica da Xunta de Galicia na seguinte ligazón.

Tramitar presencialmente

Se non estas obrigado a presentar a solicitude electronicamente podes facelo de forma presencial.

Podes presentar a solicitude en:

As oficinas de asistencia en materia de rexistro da Xunta de Galicia.
As oficinas de rexistro doutras administracións públicas, como os concellos.
As oficinas de Correos.
As embaixadas e os consulados de España no estranxeiro.
Outros lugares autorizados na normativa reguladora do procedemento.

As oficinas de asistencia en materia de rexistro da Xunta de Galicia pódelas consultar en:

https://012.xunta.gal/servizos-destacados/oficinas-de-atencion

Nestas oficinas non é necesario solicitar cita previa.

Se prefires que te atendan a unha hora concreta, solicita cita previa en:

https://012.xunta.gal/servizos-destacados/cita-previa

A documentación que debes presentar depende do tipo de solicitude que realices.

A Administración poderá comprobar automaticamente algúns datos necesarios para a tramitación.

Se non pode comprobalos, indicarémosche que documentos debes achegar.

Nalgúns casos, terás que completar e presentar formularios adicionais, chamados anexos.

Podes descargalos desde a ligazón que aparece xunto ao nome de cada formulario.

Documentación

Só é necesario cubrir a solicitude que se mostra no seguinte apartado (Anexo III), correspondente ao procedemento PR003A. Tamén se atopa dispoñible nesta páxina para a súa presentación electrónica a través da icona “Tramitar en liña” ou pode descargarse para a súa presentación presencial na icona “Tramitar presencialmente”.

Canto tempo ten a Administración para resolver a solicitude?

Un mes

Que ocorre se non recibes resposta?

Non especificado

Como podes consultar ou realizar trámites despois de presentar a solicitude?

Unha vez que presentes a solicitude e se inicie o expediente (conxunto de documentos e actuacións relacionados coa túa solicitude), podes realizar trámites electrónicos a través da Carpeta cidadá (espazo privado onde podes consultar as túas xestións coa Administración) na sede electrónica da Xunta de Galicia.

Desde a Carpeta cidadá podes:

Consultar o estado do teu expediente.
Acceder á documentación.
Realizar os trámites que estean dispoñibles.

Se non estás obrigado a relacionarte electronicamente coa Administración, tamén podes realizar estes trámites de xeito presencial nas oficinas de asistencia en materia de rexistro (oficinas onde podes presentar documentos e recibir axuda para os teus trámites).

Podes consultar a localización destas oficinas en:

https://012.xunta.gal/servizos-destacados/oficinas-de-atencion

Nestas oficinas non é necesario solicitar cita previa.

Se desexas garantir a túa atención nunha hora determinada, solicita cita previa en:

https://012.xunta.gal/servizos-destacados/cita-previa

Podes obter máis información chamando ao teléfono 012 ou ao 981 900 643, servizo de información da Xunta de Galicia.

Xunta de Galicia

Consellería de Facenda e Administración Pública

Dirección Xeral de Simplificación Administrativa e do Patrimonio

Edificios administrativos - San Caetano, s/n

15781 Santiago de Compostela (Coruña, A)

Teléfono: 981544097

Órgano responsable

Dirección Xeral de Simplificación Administrativa e do Patrimonio

Ámbito Autonómico

Lei 1/2015, do 1 de abril, de garantía da calidade dos servizos públicos e da boa administración (DOG nº 81 do 30 de abril de 2015). Ligazón á normativa
Decreto 129/2016, do 15 de setembro, polo que se regula a atención á cidadanía no sector público autonómico de Galicia (DOG nº 187 do 30 de setembro de 2016). Ligazón á normativa