Se vostede é titular dun establecemento de cultivos e quere realizar un cambio de dominio debe solicitar da Xunta de Galicia que autorice a transmisión da concesión, autorización ou permiso de actividade correspondente.

Os permisos ou concesións de actividade poderán ser transmitidos 'mortis-causa' aos seus herdeiros.

Cando se trate de transmisións 'mortis-causa', os herdeiros comunicarán á Administración o feito causante da sucesión con indicación da data de defunción, debendo manifestar ante aquela o seu propósito de subrogarse nos dereitos e obrigas daquel no prazo máximo dun ano desde a data de falecemento. Transcorrido este último prazo sen manifestación expresa, entenderase que renuncian ó permiso ou concesión de actividade.

• Prórroga e cambio de dominio inter vivos ou mortis causa de establecementos produtivos e experimentais ( 32.36.01)

Pode realizar o pago destas taxas na Oficina Virtual Tributaria.

• Solicitude segundo o anexo I. 

• Por parte da persoa solicitante:

  • Para os casos de persoas físicas:

    • No suposto de cotitularidades, copia do DNI ou NIE do resto de persoas titulares da embarcación, só no caso de non autorizar a súa consulta no Sistema de verificación de datos de identidade no Anexo II.

  • Para os casos de persoas xurídicas:

    • Copia da escritura acreditativa da constitución da sociedade inscrita no rexistro mercantil.

    • Copia dos estatutos polos que se rexe.

• Por parte da persoa adquirente:

  • Para os casos de persoas físicas:

    • No caso da persoa adquirente ou coadquirentes, Anexo II.

  • Para os casos de persoas xurídicas:

    • Abono da taxa administrativa.

    • Copia da escritura acreditativa da constitución da sociedade inscrita no rexistro mercantil.

    • Copia dos estatutos polos que se rexe. Xustificación, por parte do adquirente, da capacidade técnica adecuada ás características do establecemento.

    • Acreditación dos herdeiros e/ou representantes.

    • Copia do testamento ou declaración de herdeiros.

    • Certificado do rexistro de derradeiras vontades.

    • Solicitude ou carta de pagamento do imposto de sucesión e doazóns. Caderno particional da herdanza, se é o caso.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

Prazo de resolución: Seis meses

Sentido do silencio: Negativo