Orientámolo/a, paso a paso, para presentar unha solicitude no rexistro electrónico
PE401D - Permiso de explotación para o marisqueo a pé con utilización dunha embarcación auxiliar.
Aberto todo o ano Obxecto
Se vostede pretende renovar o permiso de explotación para marisqueo a pé con embarcación auxiliar ou solicitar a suspensión temporal da súa vixencia deberá solicitalo á Consellería do Medio Rural e do Mar.
A quen vai dirixido?
Mariscadores a pé con utilización dunha embarcación auxiliar.
Requisitos
1. Para a renovación do permiso de explotación para o marisqueo a pé con embarcación auxiliar:
- Ser maior de 18 anos ou menor emancipado/a e non superar a idade esixida para ter dereito á pensión de xubilación, na súa modalidade contributiva, conforme o previsto na normativa en materia de Seguridade Social.
- Non ser perceptor/a de pensións de xubilación, grande invalidez, incapacidade permanente absoluta, incapacidade permanente total, en favor de familiares ou perceptor da renda de integración social de Galicia.
- Estar de alta no Réxime especial de traballadores do mar.
- Acreditar unha actividade extractiva suficiente, entendendo como tal aquelas que se realiza de modo efectivo durante un mínimo do 70% dos días autorizados dentro do marco previsto no plan de explotación.
- Non estar incapacitado para exercer os labores de marisqueo.
- Inscrición na lista 4ª do rexistro de buques da embarcación auxiliar.
2. Para a suspensión da vixencia do permiso de explotación para o marisqueo a pé con embarcación auxiliar:
- Non ter actividade laboral retribuída, sen prexuízo de percibir unha prestación económica por coidados no ámbito familiar dunha persoa dependente de conformidade coa Lei 39/2006, do 14 de decembro, de promoción de autonomía persoal e atención ás persoas en situación de dependencia.
- Ter polo menos 1 ano de antigüidade como titular do permiso, para o caso de atoparse nalgunha das situacións para a conciliación da vida persoal, familiar e laboral.
- Estar ao días das obrigas que poida ter como membro da entidade á que está asociada e/ou da agrupación en que estea integrada.
- Atoparse nalgunha das seguintes situación:
*Para conciliar a vida persoal, familiar e laboral:
- Por coidado dun fillo ou filla ata un período máximo de 3 anos, tanto se é por natureza ou por adopción ou acollemento, contado desde a data de nacemento ou, se é o caso, da resolución xudicial ou administrativa.
- Por coidado dun familiar ata o segundo grao de afinidade ou cosanguinidade, que por razóns de idade, accidente, enfermidade ou discapacidade non poida valerse por si mesmo e non desempeñe actividade retribuída, ata un período dun (1) ano prorrogable mentres se manteña a mesma situación.
*Vítima violencia de xénero. Poderá acordarse por un período dun ano en función dos informes ou sentenza xudicial e ata un máximo de 18 meses desde o recoñecemento de dereitos por este motivo pola Seguridade Social.
*Incapacidade permanente total ou incapacidade permanente absoluta e que, en ambos casos, sexa de carácter revisable: Poderá outorgarse por un período máximo de 1 ano contado desde a data de resolución da incapacidade, prorrogable por un período igual, ata un máximo de 2 anos.
*Ter recoñecido o dereito á acción protectora por cesamento da actividade, de conformidade coa Lei 32/2010, do 5 de agosto, pola que se establece un sistema específico de protección por cesamento de actividade dos traballadores autónomos. A suspensión outorgarase polo período de duración do dereito.
A onde acudir
Xunta de Galicia
Consellería do Mar
Dirección Xeral de Desenvolvemento Pesqueiro
Rúa dos Irmandiños, s/n - Salgueiriños
15701 Santiago de Compostela (Coruña, A)
Teléfono: 981546176
Fax: 981546138
Email: cma.dxdesenvolvemento@xunta.es
Xunta de Galicia
Consellería do Mar
Departamento Territorial da Consellería do Mar da Coruña
RÚA RAMÓN Y CAJAL, N 2 - 5º ANDAR
15006 Coruña, A (Coruña, A)
Teléfono: 981182029
Fax: 981182027
Xunta de Galicia
Consellería do Mar
Departamento Territorial da Consellería do Mar de Celeiro
RÚA RAMON CANOSA, N 1- CELEIRO
27863 Viveiro (Lugo)
Teléfono: 982555002
Fax: 982555005
Xunta de Galicia
Consellería do Mar
Departamento Territorial da Consellería do Mar de Vigo
RÚA CONCEPCIÓN ARENAL, N 8
36201 Vigo (Pontevedra)
Teléfono: 986817113
Fax: 986817160
Órgano responsable
Dirección Xeral de Desenvolvemento Pesqueiro
Normativa
Ámbito Autonómico
Orde do 31 de maio de 1995 pola que se regula a expedición e revalidación do permiso de explotación para exerce-la actividade pesqueira e marisqueira (DOG nº 125 do 30 de xuño de 1995).
Lei 11/2008, do 3 de decembro, de pesca de Galicia (DOG nº 243 do 16 de decembro de 2008).
Decreto 425/1993, do 17 de decembro, polo que se refunde a normativa vixente sobre o permiso de explotación para exerce-la actividade pesqueira e marisqueira (DOG nº 13 do 20 de xaneiro de 1994).
Decreto 114/2007, do 31 de maio, de modificación do Decreto 425/1993, do 17 de decembro, polo que se refunde a normativa vixente sobre o permiso de explotación para exercer a actividade pesqueira e marisqueira (DOG nº 115 do 15 de xuño de 2007).
Decreto 48/2013, do 7 de marzo, polo que se modifica o Decreto 425/1993, do 17 de decembro, polo que se refunde a normativa vixente sobre o permiso de explotación para exercer a actividade pesqueira e marisqueira (DOG nº 57 do 21 de marzo de 2013).
Orde do 15 de xullo de 2011 pola que se regula o permiso de explotación para o marisqueo a pé (DOG nº 144 do 28 de xullo de 2011)
Corrección de erros. Orde do 15 de xullo de 2011 pola que se regula o permiso de explotación para o marisqueo a pé (DOG nº 113 do 14 de xuño de 2012).
Orde do 22 de abril de 2015 do Vicepresidente e Conselleiro de Presidencia, Administracións Públicas e Xustiza, pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería do Medio Rural e do Mar (DOG nº 77 do 24 de abril de 2015).
Prazo
Prazo de presentación: Aberto todo o ano
Documentación para a presentación
Solicitude segundo o Anexo I.
-
Para a renovación do permiso de explotación para o marisqueo a pé con utilización dunha embarcación auxiliar :
-
Xustificantes das vendas en lonxa (con indicación dos días de extracción aos que corresponde a venda realizada) que acrediten ter realizado actividade extractiva suficiente.
-
Copia da folla de asento da embarcación actualizada.
-
Dúas fotografías de tamaño carné (cada 5 anos).
-
Pagamento das taxas.
-
-
Para a suspensión da vixencia do permiso de explotación para o marisqueo a pé con utilización dunha embarcación auxiliar :
-
Coidado dun fillo/a. Documentación que acredite a data de nacemento do/da fillo/a, no caso de ser por natureza, ou ben por resolución xudicial ou administrativa, nos casos de adopción ou acollemento.
-
Coidado dun familiar ata o 2 grao de afinidade ou cosanguinidade. Informe das condicións de saúde ou informe dos servizos sociais ou resolución do recoñecemento da situación de dependencia.
-
Vítima de violencia de xénero. Documentación que acredite tal situación por calquera das formas previstas no artigo 5 da Lei 11/2007, do 27 de xullo, galega, para a prevención e o tratamento integral da violencia de xénero.
-
Certificado da entidade titular do plan de xestión no que se faga constar que está ao corrente das obrigas.
-
Comprobación de datos.
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
-
DNI/NIE da persoa solicitante.
-
Vida laboral da persoa solicitante.
-
Situación e/ou percepción de pensións de xubilación, grande invalidez, incapacidade permanente absoluta, incapacidade permanente total, a favor de familiares ou perceptor da renda de integración social de Galicia.
-
Informe do Instituto Social da Mariña sobre cesamento de actividade.
Resolución
Prazo de resolución: Dous meses
Sentido do silencio: Negativo
Procedementos e servizos relacionados
Aberto todo o ano PE401C
Traslado do permiso de explotación para embarcación.
Aberto todo o ano PE401F
Renovación de modalidades de recursos específicos no permiso de explotación para embarcación
Aberto todo o ano PE401G
Cambio de porto base.
28/10/2021 00:00 - 29/11/2021 23:59 PE401I
Axudas ás persoas mariscadoras afectadas polo cesamento temporal da actividade marisqueira como consecuencia do COVID-19.
Aberto todo o ano PE401L
Outorgamento das modalidades de recursos específicos no permiso de explotación para embarcación e da acreditación para a explotación do percebe.
Aberto todo o ano PE401M
Inclusión e actualización nas listas para o incremento do número de cotas de captura para as embarcacións incluídas nun plan de xestión de recursos específicos.