Regular o réxime xurídico e o funcionamento do Rexistro de Acción Voluntaria de Galicia en desenvolvemento da Lei 10/2011, do 28 de novembro, de acción voluntaria.

O Rexistro de Acción Voluntaria configúrase como un órgano único e público que asumirá as funcións de cualificación e inscrición das entidades de acción voluntaria, o depósito das experiencias das persoas voluntarias e a certificación das accións voluntarias desenvolvidas por estas.

As entidades de acción voluntaria con sede social na Comunidade Autónoma de Galicia e aqueloutras que desenvolvan programas e proxectos de interese xeral no ámbito competencial autonómico.

A inscrición no Rexistro das entidades de acción voluntaria é voluntaria e declarativa. A devandita inscrición será condición indispensable para acceder ás axudas e subvencións, así como para subscribir convenios coas Administracións Públicas de Galicia en materia de voluntariado.

• A solicitude de inscrición no Rexistro presentarase ante o órgano competente en materia de voluntariado, segundo o modelo normalizado, Anexo I, asinado polo/a representante legal da entidade, xunto coa seguinte documentación:

  • Copia do acordo de creación da entidade e dos seus estatutos se se trata da primeira inscrición, ou a referencia ao rexistro da Administración autonómica no que foron presentados, coa expresión do número de inscrición e data.

  • Numero de inscrición noutros rexistros nos que por razón da súa natureza estea inscrita a entidade de acción voluntaria.

  • Programa de actividades da entidade en materia de voluntariado.

  • Xustificante do pagamento das taxas no caso da inscrición ou da modificación da 1ª inscrición.

COMPROBACIÓN DE DATOS

Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.

• DNI o NIE da persoa representante

CONSENTIMENTO PARA A COMPROBACIÓN DE DATOS

A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.

• NIF da entidade solicitante

Prazo de resolución:

Tres meses

Sentido do silencio:

Positivo