Orientámolo/a, paso a paso, para presentar unha solicitude no rexistro electrónico
BS103K - Autorización de modificación substancial de centros e programas de servizos sociais.
Aberto todo o ano Obxecto
Tramitar a autorización para a modificación substancial de centros ou programas de servizos sociais.
Considéranse modificacións substanciais dun centro ou programa:
a) Os cambios producidos no proxecto técnico da obra, unha vez obtida a autorización de creación ou construción do centro.
b) Aqueles cambios na estrutura do centro ou do programa que xa se atopa en funcionamento, sempre que impliquen algunha das seguintes circunstancias:
1.º Supoñan unha alteración funcional ou cambio de usos nas instalacións autorizadas.
2.º Supoñan unha ampliación das prazas ou unha ampliación ou redución das unidades autorizadas.
3.º Supoñan o traslado da instalación de referencia do programa autorizado a outra situación. Os traslados de centros autorizados a unha instalación diferente requirirán, en todo caso, unha nova autorización de creación e de inicio de actividade.
A quen vai dirixido?
Todas as entidades prestadoras de servizos sociais, públicas ou privadas que desenvolvan servizos ou programas de servizos sociais, no ámbito territorial da Comunidade Autónoma de Galicia, de conformidade co disposto no artigo 66 da Lei 13/2008, do 3 de decembro, de servizos sociais de Galicia.
Requisitos
Todos os centros e programas de servizos sociais, de conformidade coa normativa que os regula, deben:
a) Estar correctamente identificados e sinalizados no exterior das súas instalacións, agás que a natureza e finalidade do servizo o desaconselle. Así mesmo, debe sinalizarse o interior das instalacións para facilitar o acceso, a orientación e a información sobre a localización dos servizos para todas as persoas.
b) Dispoñer dunhas normas de funcionamento, visadas polo órgano competente en materia de autorización e inspección de servizos sociais da Xunta de Galicia, que garantan o respecto aos dereitos das persoas usuarias e establezan as condicións de prestación e desenvolvemento dos servizos.
c) Contar cun rexistro de altas e baixas de persoas usuarias e cun expediente individual de cada unha delas, coa documentación mínima necesaria que determine a normativa específica que lle resulte de aplicación. En todo caso, a entidade deberá garantir a protección dos datos de carácter persoal de conformidade co establecido na Lei 15/1999, do 13 de decembro, en todo o que lle sexa de aplicación.
d) Dispoñer da póliza de seguros de danos necesarias para garantir a reparación dos sinistros do edificio, así como de póliza de seguro de responsabilidade civil que garanta a cobertura das indemnizacións ás persoas usuarias e/ou a terceiros polos danos e prexuízos causados como consecuencia dos sinistros do edificio e/ou do de-senvolvemento dos servizos.
e) Expoñer nun lugar visible ao público a documentación que acredite as autorizacións e licenzas concedidas, as normas de funcionamento previamente visadas pola Administración e o cartel informativo sobre a existencia dun libro de reclamacións a disposición das persoas usuarias. Ademais, exporase a información básica referida aos servizos prestados, ao horario e aos períodos de funcionamento do servizo, así como, cando a natureza do servizo non o desaconselle, os prezos ou as tarifas exixibles pola prestación dos servizos, onde consten claramente as contías totais das prestacións básicas e dos servizos optativos ou susceptibles de cobramento a parte.
f) Contar co equipamento mobiliario, as axudas técnicas, o material e o persoal necesario para o desenvolvemento axeitado dos servizos, segundo as características e necesidades das persoas destinatarias.
g) Dispoñer de conexión telefónica co exterior e dun enderezo de correo electrónico.
h) Contar cunha persoa que asuma a dirección ou coordine o programa ou servizo.
2. Ademais dos requisitos xerais establecidos no punto anterior, as entidades titulares e as xestoras de servizos, centros e programas deberán adecuarse aos requisitos específicos que, de acordo coa súa tipoloxía e persoas ás que se dirixan, se establezan na normativa que lles resulte de aplicación, así como dispoñer no centro ou nas instalacións nas que se desenvolve o programa, de toda aquela documentación acreditativa do cumprimento destes.
A onde acudir
Xunta de Galicia
Consellería de Política Social e Xuventude
Secretaría Xeral Técnica da Consellería de Política Social e Xuventude
Subdirección Xeral de Autorización e Inspección de Servizos Sociais
Edificio administrativo San Caetano, s/n
15781 Santiago de Compostela (Coruña, A)
Teléfono: 981957696
Fax: 981957697
Email: inspección.ssociais@xunta.es
Xunta de Galicia
Consellería de Política Social e Xuventude
Secretaría Xeral Técnica da Consellería de Política Social e Xuventude
Subdirección Xeral de Autorización e Inspección de Servizos Sociais
Servizo de Inspección de Maiores, Discapacidade e Dependencia
Edificio administrativo San Caetano, s/n
15781 Santiago de Compostela (Coruña, A)
Teléfono: 981957681
Fax: 981957697
Email: inspeccion.maioresediscapacitados@xunta.
Xunta de Galicia
Consellería de Política Social e Xuventude
Secretaría Xeral Técnica da Consellería de Política Social e Xuventude
Subdirección Xeral de Autorización e Inspección de Servizos Sociais
Servizo de Inspección de Servizos Comunitarios e Inclusión Social
Edificio administrativo San Caetano, s/n
15890 Santiago de Compostela (Coruña, A)
Teléfono: 981540041
Fax: 981957697
Email: servizos.comunitarioseinclusion@xunta.es
Xunta de Galicia
Consellería de Política Social e Xuventude
Secretaría Xeral Técnica da Consellería de Política Social e Xuventude
Subdirección Xeral de Autorización e Inspección de Servizos Sociais
Servizo de Inspección de Familia e Menores
Edificio administrativo San Caetano, s/n
15781 Santiago de Compostela (Coruña, A)
Teléfono: 981545688
Fax: 981957697
Email: inspeccion.familiaemenores@xunta.es
Xunta de Galicia
Consellería de Política Social e Xuventude
Xefatura Territorial da Consellería de Política Social e Xuventude da Coruña
Servizo de Prestacións, Inclusión e Inmigración da Coruña
Avda. Salvador de Madariaga, 9-1º
15008 Coruña, A (Coruña, A)
Teléfono: 881881201
Fax: 881881202
Xunta de Galicia
Consellería de Política Social e Xuventude
Xefatura Territorial da Consellería de Política Social e Xuventude de Lugo
Servizo de Prestacións, Inclusión e Inmigración de Lugo
Ronda da Muralla, 70
27071 Lugo (Lugo)
Teléfono: 982294437
Fax: 982294359
Xunta de Galicia
Consellería de Política Social e Xuventude
Xefatura Territorial da Consellería de Política Social e Xuventude de Vigo
Servizo de Prestacións, Inclusión e Inmigración de Vigo
Rúa Concepción Arenal, 8
36201 Vigo (Pontevedra)
Teléfono: 986817223
Fax: 986817294
Órgano responsable
Subdirección Xeral de Autorización e Inspección de Servizos Sociais
Normativa
Ámbito Autonómico
Lei 13/2008, do 3 de decembro, de servizos sociais de Galicia (DOG nº 245 do 18 de decembro de 2008).
Decreto 254/2011, do 23 de decembro, polo que se regula o réxime de rexistro, autorización, acreditación e a inspección de Servizos Sociais de Galicia (DOG nº 14 do 20 de xaneiro de 2012).
Prazo
Prazo de presentación: Aberto todo o ano
Con carácter previo á súa realización
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Autorización de servizos, centros e programas (Código taxa: 31.27.01)
Pode realizar o pago destas taxas na Oficina Virtual Tributaria.
Documentación para a presentación
Solicitud normalizada (anexo II).
DOCUMENTACIÓN COMÚN
- Taxas administrativas devengadas pola tramitación da solicitude, cando proceda (código 31.27.01).
- No caso de representación, documento acreditativo desta por calquera medio válido en dereito.
MODIFICACIÓN SUBSTANCIAL DE CENTROS
- Memoria explicativa do cambio solicitado, xustificación da súa finalidade e descrición detallada das alteracións estruturais, materiais ou funcionais, que se propoñen sobre os servizos autorizados, así como o prazo previsto para a execución das obras .
- Cando proceda, remitirase a documentación técnica necesaria para a emisión, con carácter previo á súa execución, do informe técnico que asegure a adecuación do proxecto á normativa específica.
- Cando proceda, proxecto das normas de funcionamento para o seu visado e, no seu caso, modelo de contrato a asinar coas persoas usuarias, e réxime de prezos ou tarifas.
- Proxecto de modificación/ampliación das pólizas de seguro de responsabilidade civil pola explotación do centro ou programa e do seguro de danos por sinistros do edifico no que se desenvolve o servizo (cando proceda).
- Cando proceda, relación do novo persoal facendo constar o número de efectivos, a súa dedicación ao servizo, a súa relación laboral ou contractual coa entidade titular e as súas titulacións. No caso de centros de infancia, acreditarase tamén que o novo persoal posúe coñecementos básicos en primeiros auxilios, recoñecemento médico, vacinación contra a rubeola, coñecementos en manipulación de alimentos e certificado negativo do Rexistro Central de Delincuentes Sexuais.
MODIFICACIÓN SUBSTANCIAL DE PROGRAMAS
- Memoria explicativa do cambio solicitado, xustificación da súa finalidade e descrición detallada das alteracións estructurais, materiais ou funcionais, que se propoñen sobre os servizos autorizados, así como o prazo previsto para a execución das obras.
- Cando proceda, remitirase a documentación técnica necesaria para a emisión, con carácter previo á súa execución, do informe técnico que asegure a adecuación do proxecto á normativa específica.
- Copia da documentación en virtude da cal se acredita o dereito polo cal se dispón do inmoble da instalación de referencia do programa.
- Proxecto das novas normas de funcionamento para o seu visado, facendo constar o novo enderezo.
- Copia da póliza de seguro de danos para garantir a reparación dos sinistros da base operativa do programa.
COMPROBACIÓN DE DATOS
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente e achegar unha copia dos documentos.
- DNI/NIE da persoa solicitante
- DNI/NIE da persoa representante
- NIF da entidade solicitante
- NIF da entidade representante
Resolución
Prazo de resolución: Seis meses
Sentido do silencio: Negativo
Procedementos e servizos relacionados
Aberto todo o ano Aberto todo o ano Aberto todo o ano Aberto todo o ano 
Aberto todo o ano