Tramitar a autorización de cesamento de actividades dun centro ou programa de servizos sociais, tanto temporal como definitivo, xa sexa parcial ou do total

Entidades prestadoras de servizos sociais, públicas ou privadas que desenvolvan servizos ou programas de servizos sociais, no ámbito territorial da Comunidade Autónoma de Galicia, de conformidade co disposto no artigo 66 da Lei 13/2008, do 3 de decembro, de servizos sociais de Galicia.

Cesamento das actividades dun centro ou programa, tanto temporal como definitivo, xa sexa parcial ou total

Para os efectos deste decreto, entenderase:

a) Por cesamento temporal e parcial, a interrupción durante un prazo determinado da prestación dalgún dos servizos nun centro ou programa autorizado.

b) Por cesamento temporal e total, a interrupción de todas as prestacións durante un período determinado que non respondan a condicións de funcionamento normais e propias da tipoloxía do centro ou programa.

c) Por cesamento definitivo e parcial, a interrupción dalgún dos servizos de forma permanente mentres continúan prestándose outros.

d) Por cesamento definitivo e total, a finalización das actividades do centro ou programa autorizado

• Solicitude (Anexo II).

• Memoria explicativa dos servizos nos que se pretende cesar as actividades, as causas do cesamento, o calendario e fases nos que se vai realizar e explicando se se trata dun cese temporal ou definitivo e se afecta á totalidade ou unicamente a parte das instalacións, actividades ou dos servizos.

• Certificación asinada polo/a representante legal da entidade sobre o financiamento público obtido para a posta en marcha ou mantemento do servizo.

• Acreditación do estado, situación e destino previsto para as persoas usuarias do servizo.

• No caso de representación, documento acreditativo desta por calquera medio válido en dereito.

COMPROBACIÓN DE DATOS

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente e achegar unha copia dos documentos.

• DNI/NIE da persoa solicitante

• DNI/NIE da persoa representante

• NIF da entidade solicitante

• NIF da entidade representante

• Inicio
• Solicitude (Anexo II)

Prazo de resolución: Seis meses

Sentido do silencio: Negativo