Orientámolo/a, paso a paso, para presentar unha solicitude no rexistro electrónico
AU209A - Recoñecemento do dereito a un uso privativo de augas por disposición legal e de inscrición no libro de rexistro.
Aberto todo o ano Obxecto
O artigo 54 do Texto refundido da lei de augas aprobado polo Real decreto lexislativo 1/2001, do 20 de xullo recoñece aos propietarios das fincas a posibilidade de aproveitar as augas pluviais, as estancadas e as subterráneas ou procedentes de mananciais situados no interior das propias fincas.
Os propietarios que pretendan realizar este uso das augas deben solicitar o recoñecemento do dereito ao uso privativo da auga por disposición legal e a súa inscrición no Rexistro de Augas.
Non declarar os aproveitamentos realizados podería ser obxecto de sanción administrativa.
A quen vai dirixido?
Persoas físicas, persoas xurídicas e entidades sen personalidade xurídica que sexan propietarias dunha finca ou predio.
Requisitos
1. Ser propietario dun predio, que pode estar composto por unha ou varias parcelas catastrais, onde se captan e utilizan as augas.
2. As augas non poderán ser utilizadas en predios distintos daqueles nos que nacen, se alumbren ou se estanquen.
3. No caso de aproveitamentos de augas procedentes de mananciais ou no caso de augas subterráneas (pozos) non se poderá superar un volume de 7.000 m3 anuais.
4. O interesado deberá xustificar que a dotación utilizada é acorde co uso dado ás augas, sen que se produza o abuso ou o malgasto, prohibido no artigo 50.4 do Texto refundido da lei de augas aprobado polo Real decreto lexislativo 1/2001, do 20 de xullo.
A onde acudir
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica de Galicia Sur
San Salvador, 2 oficinas 4ª planta
36204 Pontevedra (Pontevedra)
Teléfono: 986817141
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica de Galicia Centro
Rúa Tomiño, nº 16 - baixo
15703 Santiago de Compostela (Coruña, A)
Teléfono: 981544927
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica de Galicia Norte
Rúa Vicente Ferrer, nº 2, 9ª planta
15008 Coruña, A (Coruña, A)
Teléfono: 981182530
Xunta de Galicia
Consellería de Medio Ambiente e Cambio Climático
Augas de Galicia
Zona Hidrográfica da Mariña
Ronda da Muralla, nº 70 - 2º Baixo
27071 Lugo (Lugo)
Teléfono: 982294414
Órgano responsable
Augas de Galicia
Normativa
Ámbito Autonómico
Lei 9/2010, do 4 de novembro, de augas de Galicia (DOG nº 222 do 18 de novembro de 2010).
Orde do 7 de abril de 2016 pola que se adaptan e se habilitan electronicamente os procedementos administrativos de prazo aberto da Consellería de Infraestruturas e Vivenda (DOG nº 69 do 12 de abril de 2016).
Orde do 18 de xuño de 2019 pola que se modifica a Orde do 7 de abril de 2016 pola que se adaptan e habilitan electronicamente os procedementos administrativos de prazo aberto da Consellería de Infraestruturas e Vivenda (DOG nº 118 do 24 de xuño de 2019).
Orde do 9 de xuño de 2016 pola que se adaptan e se habilitan electronicamente os procedementos administrativos de prazo aberto da Consellería de Medio Ambiente e Ordenación do Territorio (DOG nº 113 do 15 de xuño de 2016).
Orde do 10 de febreiro de 2023 pola que se dispón a publicación da normativa do Plan hidrolóxico da Demarcación Hidrográfica de Galicia-Costa, aprobado polo Real decreto 48/2023, do 24 de xaneiro (DOG nº 35 do 20 de febreiro de 2023).
Ámbito Estatal
Real Decreto 849/1986, do 11 de abril, polo que se aproba o Regulamento do Dominio Público Hidráulico, que desenvolve os títulos preliminar I, IV, V, VI e VII da Lei 29/1985, do 2 de agosto, de Augas (BOE nº 103 do 30 de abril de 1986).
Real Decreto Lexislativo 1/2001, do 20 de xullo, polo que se aproba o texto refundido da Lei de Augas (BOE nº 176 do 24 de xullo de 2001).
Real Decreto 3/2023, do 10 de xaneiro, polo que se establecen os criterios técnico-sanitarios da calidade da auga de consumo, o seu control e subministro. (BOE nº 9 de 11 de xaneiro de 2023)
Real Decreto 48/2023, do 24 de xaneiro, polo que se aproba o Plan Hidrolóxico da Demarcación Hidrográfica de Galicia-Costa (BOE nº 35 do 10 de febreiro de 2023).
Prazo
Prazo de presentación: Aberto todo o ano
Segundo a Orde de modificación do 18 de xuño de 2019 (DOG nº 118 do 24 de xuño de 2019), o prazo de presentación de solicitude comezará o día 15 de xullo de 2019 e permanecerá aberto durante todo o ano.
Documentación para a presentación
Solicitude.
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal
A presentación electrónica será obrigatoria para as persoas xurídicas, para as entidades sen personalidade xurídica e para as persoas representantes dunha das anteriores.
De conformidade co artigo 68.4 da Lei 39/2015, do procedemento administrativo común das Administracións Públicas, se algunha das persoas interesadas obrigadas á presentación electrónica presenta a súa solicitude presencialmente, requeriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.
Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 ( https://sede.xunta.gal/chave365)
Aquelas persoas interesadas non obrigadas á presentación electrónica, opcionalmente, poderán presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.
Documentación complementaria.
1. As persoas interesadas deberán achegar coa solicitude a seguinte documentación:
a) A acreditación da representación.
b) O xustificante do aboamento das taxas administrativas (código 30.25.00 e 31.35.02) devindicadas pola tramitación da solicitude.
c) Memoria xustificativa do aproveitamento (que comprenda a xustificación do caudal solicitado, o plano de situación e o esquema das instalacións).
d) Acreditación da titularidade da finca ou predio onde está a captación e o uso da auga.
e) Calquera outra documentación que se considere necesaria.
De conformidade co artigo 28.3 da Lei 39/2015, do 1 de outubro, do procedemento administrativo común, non será necesario achegar os documentos que xa foran presentados anteriormente pola persoa interesada ante calquera Administración. Neste caso, a persoa interesada deberá indicar en que momento e ante que órgano administrativo presentou os ditos documentos, que serán recabados electronicamente a través das redes corporativas ou mediante consulta ás plataformas de intermediación de datos ou outros sistemas electrónicos habilitados ao efecto, agás que conste no procedemento a oposición expresa da persoa interesada.
De forma excepcional, se non se puideran obter os citados documentos, poderá solicitarse novamente á persoa interesada a súa achega.
2. A documentación complementaria presentarase preferiblemente por vía electrónica.
A presentación electrónica será obrigatoria para os suxeitos obrigados á presentación electrónica da solicitude. Se algunha das persoas presenta a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela na que fose realizada a emenda.
Aquelas persoas non obrigadas á presentación electrónica, opcionalmente, poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.
As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderán requirir a exhibición do documento ou da información orixinal.
3. Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.
4. No caso de que algún dos documentos a presentar de forma electrónica superase os tamaños máximos establecidos ou tivera un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos en na forma indicada no número anterior. A información actualizada sobre o tamaño máximo e os formatos admitidos pode consultarse na sede electrónica da xunta de Galicia.
Comprobación de datos.
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:
a) DNI/NIE da persoa solicitante.
b) DNI/NIE da persoa representante.
c) NIF da entidade solicitante.
d) NIF da entidade representante.
e) Certificación catastral descritiva e gráfica de titularidade da parcela ou parcelas que forman o predio expedida pola Xerencia do Catastro.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.
Cando así o esixa a normativa aplicable solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilite a obtención dos citado datos, poderase solicitar ás persoas interesadas a presentación dos documentos correspondentes.
Trámites administrativos posteriores á presentación da solicitude.
A sede electrónica da Xunta de Galicia permite ás persoas interesadas realizar trámites electrónicos, con posterioridade ao inicio do expediente, accedendo á Carpeta cidadá da persoa interesada. Canda as persoas interesadas non resulten obrigadas á presentación electrónica tamén poderán realizarse os ditos trámites presencialmente en calquera dos lugares e rexistros establecidos na normativa reguladora do procedemento administrativo común.
Contra a resolución deste procedemento poderá interpoñerse recurso a través de "IF321D. Recurso en materia de augas"
Outras convocatorias ou publicacións
Procedementos e servizos relacionados
Aberto todo o ano AU208A
Concesión de augas.
Aberto todo o ano AU230C
Declaración de datos das fontes de abastecemento de auga.