Para a realización de actividades subacuáticas en augas mariñas competenciais da Consellería do Medio Rural e do Mar, en materia de marisqueo e coa exclusiva finalidade de recoller ou extraer recursos mariños no marco dun plan de explotación aprobado e de maneira segura, competente e responsable, será necesario que as persoas que as efectúen se encontren en posesión da Tarxeta da certificación profesional para extracción de recursos específicos con técnicas de mergullo.

Os/as aspirantes que obteñan unha avaliación positiva do curso poderán solicitar a súa acreditación persoal coa expedición da tarxeta profesional.

A acreditación persoal emitirase en formato tarxeta de PVC.

Recolector/a de recursos específicos con técnicas de mergullo.

- As tarxetas serán renovadas cada 5 anos.

- A renovación da tarxeta de recolector/a de recursos específicos con técnicas de mergullo será solicitada polos interesados no último trimestre da súa vixencia.

- En caso de extravío, roubo ou destrución física da tarxeta poderá expedirse un duplicado que manterá a data de caducidade da orixinal.

- Os mergulladores/as que estean en posesión dunha tarxeta de mergullo profesional e dun certificado de mariscador/a poderán solicitar a súa validación polo certificado de mariscador/a a mergullo e a posterior emisión da tarxeta de recolector/a de recursos específicos con técnicas de mergullo.

• Por expedición das tarxetas acreditativas das titulacións. ( 30.26.01)
• Por renovación e emisión de duplicado das tarxetas acreditativas das titulacións ( 30.26.02)

Pode realizar o pago destas taxas na Oficina Virtual Tributaria.

• Solicitude segundo o Anexo I.

• Fotografía recente.

• Xustificante de aboamento das taxas.

• Certificado médico de aptitude física para o mergullo expedido por un/unha facultativo/a habilitado/a.

• Documentación que acredite os requisitos esixidos para cada titulación.

• Declaración jurada de extravío o robo.

• Certificado expedido pola entidade xestora da Seguridade Social de non ser pensionista nin por xubilación nin por invalidez.

• Copia das tarxetas que solicita a renovación.

• Documentación que acredite os requisitos esixidos para cada titulación se foi expedida pola Comunidade Autónoma de Galicia. 

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e adxuntar unha copia dos documentos.

• DNI/NIE da persoa solicitante.