Os transportistas que obtiveran autorización da Dirección Xeral de Mobilidade para dedicarse ó transporte regular de viaxeiros durante o período estival con destino a praias, deberá solicitar, para continuar con esta actividade, prórroga da devandita autorización por un tempo máximo de cinco períodos estivais.

Para a concesión da prórroga deberanse manter as mesmas circunstancias que deron orixe á autorización e a Administración valorará o cumprimento dos termos da autorización e o grao de satisfacción dos usuarios. As solicitudes presentaranse na Xefatura Territorial onde teña orixe o servicio.

• Solicitude segundo o Anexo I.

• Relación de vehículos cos que se pretende realizar o servizo.

• Documento xustificativo de ter aboada a taxa.

• Xustificante de ter pasada a ITV do/dos vehículos.

• Seguro de responsabilidade civil ilimitada, coa/s súa/s correspondente/s póliza/s do/s vehículo/s que cubra a totalidade do período estival do ano para o que se solicita a prórroga.

• Xustificante de ter equipo de aire acondicionado no/s vehículo/s, con excepción do/s que realicen expedicións ás praias de proximidades cun percorrido menor de 40 km.

Prazo de resolución: Tres meses

Sentido do silencio: Negativo