Se vostede está interesado en executar obras, instalacións ou realizar calquera outra actividade, así como os cambios de uso, na zona de dominio público e/ou no resto das zonas de protección (zona de servidume ou zona de afección) dunha estrada de titularidade da Comunidade Autónoma de Galicia, deberá obter a correspondente autorización previa a través do Servizo de estradas da provincia que corresponda.

Este procedemento pode utilizarse para calquera solicitude de obra, instalación ou actividade, excepto para as relativas aos accesos que se farán a través do formulario específico IF205D e para as suxeitas a declaración responsable que se realizarán a través do formulario específico IF321H.

Ademais, con carácter previo á solicitude de autorización, as persoas interesadas poderán consultarlle ao Servizo provincial de estradas correspondente sobre a viabilidade dunha actuación así como obter información e orientación sobre os requisitos técnicos e xurídicos que as disposicións vixentes lle impoñan, a través do formulario específico IF205C.

• Solicitude segundo o Anexo I.

• Poder de representación.

• Documentación acreditativa ou declaración responsable da propiedade sobre a que se pretende actuar ou sobre a súa dispoñibilidade, segundo o caso, de acordo co artigo 156.6 do Decreto 66/2016, do 26 de maio.

• Documentación acreditativa ou declaración responsable sobre o aproveitamento agrícola ou gandeiro, para o caso dos peches indicados no artigo 135.1 a) do Decreto 66/2016, do 26 de maio.

• Memoria explicativa cos planos, esquemas ou datos necesarios para localizar e definir a actuación que se pretende realizar.

• Proxecto ou separata deste no relativo á afección ao dominio público viario e ás súas zonas de protección cando sexa necesario, segundo o indicado no artigo 157 do Decreto 66/2016, do 26 de maio.

• Outros.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

• Iniciación
• Solicitude (Anexo I)