A solución de situacións conflitivas que afecten a intereses xerais dos/as traballadores e traballadoras.

Representantes das persoas traballadoras no ámbito correspondente ao conflito, por iniciativa propia ou a instancia das persoas ás que representan.

O empresariado e quen os represente legalmente segundo o ámbito do conflito.

Formalización do plantexamento do conflito colectivo por escrito no que se fará constar:

- Nome, enderezo e carácter da persoa que o plantexe.

- Determinación dos/as traballadores e traballadoras e empresariado afectados.

- Feitos nos que se fundamente o conflito.

- Peticións concretas que se formulen.

Solicitudes

As solicitudes presentaranse preferiblemente por vía electrónica a través do formulario normalizado (anexo I) dispoñible na sede electrónica da Xunta de Galicia, https: //sede.xunta.gal.

A presentación electrónica será obrigatoria para as persoas xurídicas, as persoas que exerzan unha actividade profesional para a que se requira colexiación obrigatoria, persoas traballadoras autónomas e as persoas representantes dunha das anteriores.

De conformidade co artigo 68.4 da Lei 39/2025, do 1 de outubro, do procedemento administrativo común das Administracións Públicas, se algunha das persoas interesadas obrigadas á presentación electrónica presenta a súa solicitude presencialmente, requeriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Aquelas persoas interesadas non obrigadas á presentación electrónica, opcionalmente, poderán presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.

Documentación

• Solicitude segundo o Anexo I

• Memoria explicativa

• Documentación acreditativa da representación

Comprobación de datos

Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:

• DNI/NIE da persoa demandante

• DNI/NIE da persoa representante

• NIF da entidade demandante

• NIF da entidade representante

No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.

Cando así o esixa a normativa aplicable solicitarase o consentimento expreso da persoa interesada para realizar a consulta.

Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.