Orientámolo/a, paso a paso, para presentar unha solicitude no rexistro electrónico
SA850A - Solicitude de acreditación de actividades no sistema acreditador da formación continuada das profesións sanitarias a través de Saga.
Aberto todo o ano Obxecto
Poderán ser obxecto de acreditación, de acordo cos criterios establecidos pola Comisión Nacional de Formación Continuada, as actividades relacionadas coas seguintes titulacións e profesións sanitarias:
1. Profesións sanitarias tituladas:
a) De nivel licenciado: as profesións para cuxo exercicio habilitan os títulos de licenciado en medicina, en farmacia, en odontoloxía e en veterinaria, e os títulos oficiais de especialista en ciencias da saúde para licenciados a que se refire o título II da Lei 44/2003, do 21 de novembro, de ordenación das profesións sanitarias.
b) De nivel diplomado: as profesións para cuxo exercicio habilitan os títulos de diplomado en enfermaría, en fisioterapia, en terapia ocupacional, en podoloxía, en óptica e optometría, en logopedia e en nutrición humana e dietética, e os títulos oficiais de especialista en ciencias da saúde para tales diplomados a que se refire o título II da Lei 44/2003, do 21 de novembro.
2. Profesionais da área sanitaria de formación profesional:
a) De grao superior: os que posúan os títulos de técnico superior en anatomía patolóxica e citoloxía, en dietética, en documentación sanitaria, en hixiene bucodental, en imaxe para o diagnóstico, en laboratorio de diagnóstico clínico, en ortopróteses, en próteses dentais, en radioterapia, en saúde ambiental e en audiopróteses.
b) De grao medio: os que posúan os títulos de técnico en coidados auxiliares de enfermaría e en farmacia.
A onde acudir
Xunta de Galicia
Consellería de Sanidade
Axencia Galega para a Xestión do Coñecemento en Saúde
Avda. Fernando Casas Novoa, 37. Portal A-B, 1° andar
15707 Santiago de Compostela (Coruña, A)
Teléfono: 881 541819
Órgano responsable
Axencia Galega para a Xestión do Coñecemento en Saúde
Normativa
Ámbito Autonómico
Orde do 25 de febreiro de 2009 pola que se establece o procedemento para a solicitude de acreditación de actividades no Sistema Acreditador da Formación Continuada das profesións sanitarias na Comunidade Autónoma de Galicia a través de Saga (DOG nº 47 do 9 de marzo de 2009).
Prazo
Prazo de presentación: Aberto todo o ano
Documentación para a presentación
- Solicitude normalizada segundo o anexo I de autorización de seguimento de expedientes no SAGA
- Solicitude normalizada de acreditación de actividades non presenciais ou mixtas de formación continuada
- Solicitude normalizada de acreditación de actividades presenciais de formación continuada
Resolución
Prazo de resolución: Tres meses
Sentido do silencio: Positivo
Procedementos e servizos relacionados
Aberto todo o ano Aberto todo o ano