1. O presente decreto ten por obxecto regular, no ámbito da Comunidade Autónoma de Galicia, a formación do persoal que realiza actividades de mantemento hixiénico-sanitario de instalacións susceptibles de propagar a lexionelose, do persoal que realiza prácticas de tatuaxe, micropigmentación e piercing así como calquera outra práctica de decoración corporal que implique a perforación da pel, mucosas ou tecidos, e do persoal operador de aparellos de bronceado artificial mediante radiacións ultravioleta.

2. En concreto, neste decreto se regula o réxime de declaración responsable das entidades de formación, os requisitos, responsabilidades e as obrigas destas, as condicións mínimas e o contido da formación así como a creación do rexistro de entidades de formación hixiénico-sanitaria.

Comunicación de cada actividade formativa.

As entidades de formación deberán comunicar á xefatura territorial da consellería con competencia en materia de sanidade da provincia onde se pretenda realizar a parte teórica e/ou presencial da formación, o inicio do curso de que se trate, cun mínimo dunha semana de antelación, para iso cubrirán o Anexo II, que poderase presentar nas mesmas condicións que se especifican nos dous artigos precedentes.

Entidades de formación que teñan presentado o Anexo I ou que estéan legalmente establecidas noutra comunidade autónoma ou pais da Unión Europea.

1. A formación do persoal a que se refire o artigo 2 deste Decreto cumprirá os respectivos criterios recollidos nos Anexos IV, V e VI, os cales teñen carácter de mínimos.

2. A dita formación poderase impartir de forma presencial ou semipresencial, de conformidade co contido formativo mínimo establecido no Anexo VII, sen prexuízo das necesarias prácticas presenciais correspondentes.

• Comunicación segundo o Anexo II, acompañada da seguinte documentación:

• Anexo III, comprobación de datos das persoas relatoras.

• Documento acreditativo da representación. No caso de que a persoa comunicante sexa distinta da que consta na declaración responsable.

• Cando a persoa comunicante é unha persoa xurídica, copia certificada da súa constitución e certificación da súa inscrición no Rexistro Mercantil, se é o caso.

• Guía didáctica da persoa usuaria (só no caso da primeira edición dos cursos na modalidade de teleformación semipresencial).

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI ou NIE da persoa representante, no caso de ser diferente da persoa que realizou a declaración de inicio da actividade.

• No caso de entidades legalmente establecidas noutras comunidades autónomas ou en Estados membros da Unión Europea, a comunicación á xefatura territorial incluirá a documentación acreditativa.

• DNI/NIE das persoas relatoras.

• Título oficial universitario das persoas relatoras.

• Título oficial non universitario das persoas relatoras