PR100A - Acceso á información pública. - Sede Electrónica

PR100A - Acceso á información pública.

Aberto todo o ano

Obxecto

A orde do 3 de marzo de 2016 ten por obxecto aprobar o modelo normalizado de solicitude de acceso á información pública da Administración xeral e das entidades integrantes do sector público autonómico de Galicia, de acordo cos requisitos mínimos establecidos no artigo 17 da Lei 19/2013, do 9 de decembro, de transparencia, acceso á información pública e bo goberno, e no artigo 26 da Lei 1/2016, do 18 de xaneiro, de transparencia e bo goberno.

Lugar de presentación segundo o artigo 2 da mencionada orde:

1. As solicitudes de información deberán dirixirse ao titular do órgano administrativo ou entidade que posúa a información, segundo o modelo do anexo I da presente orde.

2. As devanditas solicitudes deberán presentarse na Secretaría Xeral da Presidencia e nas secretarías xerais técnicas das respectivas consellerías, segundo a materia obxecto da solicitude, que serán as encargadas de remitilas, se é o caso, aos órganos competentes para a súa tramitación e resolución, previstos no artigo 27.3 da Lei 1/2016, do 18 de xaneiro, de transparencia e bo goberno.

3. A presentación será preferiblemente por vía electrónica a través do modelo normalizado dispoñible na sede electrónica da Xunta de Galicia, https://sede.xunta.es Para a presentación electrónica das solicitudes será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia así como mediante a Chave concertada 365, na dirección https://sede.xunta.es/chave365.

4. Opcionalmente, tamén se poderán presentar as solicitudes en soporte papel en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.

5. De acordo co establecido no artigo 26.4 da Lei 1/2016, do 18 de xaneiro, de transparencia e bo goberno, a persoa solicitante non está obrigada a motivar a súa solicitude de acceso á información. Non obstante, poderá expoñer os motivos polos cales solicita a información e que poderán ser tidos en conta cando se dite a resolución. Non obstante, a ausencia de motivación non será por si soa causa de rexeitamento da solicitude.

Ler máis Ler menos

A quen vai dirixido?

Persoas físicas e xurídicas.

Requisitos

Requisitos segundo o artigo 26 da Lei 1/2016, do 18 de xaneiro, de transparencia e bo goberno:

1. O procedemento para o exercicio do dereito de acceso iniciarase coa presentación da correspondente solicitude, que deberá dirixirse á persoa titular do órgano administrativo ou da entidade que posúa a información. Cando se trate de información en posesión de persoas físicas ou xurídicas que presten servizos públicos ou exerzan potestades administrativas, a solicitude dirixirase á Administración, ao organismo ou á entidade das previstas no artigo 3.1 desta Lei aos cales estean vinculadas.

2. A persoa solicitante ten dereito a recibir orientación e asesoramento para o exercicio deste dereito a través do Sistema integrado de atención á cidadanía regulado na Lei de garantía da calidade dos servizos públicos e da boa administración.

3. Para fomentar a presentación das solicitudes por vía electrónica, a Administración ofrecerá á cidadanía, a través do Portal de transparencia e Goberno aberto de Galicia, modelos normalizados de solicitude e a posibilidade de envío á Administración pública requirida, sen prexuízo das posibilidades que cada unha delas poida ofrecer na súa páxina web propia.

Requisitos segundo o artigo 17 da Lei 19/2013, do 9 de decembro, de transparencia, acceso á información pública e bo gobernó:

1. O procedemento para o exercicio do dereito de acceso iniciarase coa presentación da correspondente solicitude, que deberá dirixirse ao titular do órgano administrativo ou entidade que posúa a información. Cando se trate de información en posesión de persoas físicas ou xurídicas que presten servizos públicos ou exerzan potestades administrativas, a solicitude dirixirase á Administración, organismo ou entidade das previstas no artigo 2.1 ás que se atopen vinculadas.

2. A solicitude poderá presentarse por calquera medio que permita ter constancia de:

a) A identidade do solicitante.

b) A información que se solicita.

c) Unha dirección de contacto, preferentemente electrónica, a efectos de comunicacións.

d) No seu caso, a modalidade que se prefira para acceder á información solicitada.

3. O solicitante non está obrigado a motivar a súa solicitude de acceso á información. Con todo, poderá expoñer os motivos polos que solicita a información e que poderán ser tidos en conta cando se dite a resolución. Con todo, a ausencia de motivación non será por se soa causa de rexeitamento da solicitude.

4. Os solicitantes de información poderán dirixirse ás Administracións Públicas en calquera das linguas cooficiais do Estado no territorio no que radique a Administración en cuestión.

Ler máis Ler menos

A onde acudir

Xunta de Galicia

Presidencia da Xunta de Galicia

Secretaría Xeral da Presidencia

Edificios Administrativos - San Caetano, s/n