Orientámolo/a, paso a paso, para presentar unha solicitude no rexistro electrónico
PR005A - Poder xeral para que a persoa apoderada poida actuar en nome da persoa apoderante en calquera actuación administrativa e ante calquera Administración Pública.
Aberto todo o ano Obxecto
O presente decreto ten por obxecto a regulación do Rexistro Electrónico Xeral de Apoderamentos de Galicia, creado polo artigo 40 da Lei 4/2019, do 17 de xullo, de administración dixital de Galicia, e do Rexistro autonómico de persoas titulares de determinados órganos ou cargos, creado polo artigo 41 da Lei 4/2019, do 17 de xullo.
A quen vai dirixido?
Persoa física ou xurídica.
A onde acudir
Xunta de Galicia
Vicepresidencia Segunda e Consellería de Presidencia, Xustiza e Deportes
Secretaría Xeral Técnica da Consellería de Presidencia, Xustiza e Deportes
Subdirección Xeral de Coordinación do Rexistro e Atención á Cidadanía
San Caetano, s/n
15781 Santiago de Compostela (Coruña, A)
Teléfono: 881999520/ 881999572
Email: rexistroxeral@xunta.gal
Órgano responsable
Secretaría Xeral Técnica da Consellería de Presidencia, Xustiza e Deportes
Normativa
Ámbito Autonómico
Decreto 52/2021, do 18 de marzo, polo que se regulan o Rexistro Electrónico Xeral de Apoderamentos de Galicia e o Rexistro autonómico de persoas titulares de determinados órganos ou cargos (DOG nº 60 do 30 de marzo de 2021).
Prazo
Prazo de presentación: Aberto todo o ano
Documentación para a presentación
Os apoderamentos deberán realizarse utilizando os modelos de poder que figuran como anexo I, e que estarán dispoñibles na sede electrónica da Xunta de Galicia, https://sede.xunta.gal.
De ser o caso, a documentación que acredite os poderes da persoa física representante da entidade poderdante.
Cando se apodere a unha persoa xurídica será preciso achegar os seus estatutos para verificar que neles está prevista a súa capacidade de actuar como representante.
En todos os casos a documentación achegada deberá ser copia electrónica auténtica emitida por algunha Administración pública.
Resolución
Prazo de resolución:
A inscrición dos apoderamentos no rexistro realizarase mediante actuación administrativa automatizada nos casos en que podan comprobarse automaticamente todos os requisitos necesarios para a inscrición.
De non poder comprobar automaticamente os requisitos, antes de efectuar a inscrición o órgano competente analizará a documentación presentada e poderá solicitar un informe sobre a suficiencia dos poderes e demais documentación xustificativa da personalidade ou da representación á Asesoría Xurídica correspondente.
Unha vez analizada a documentación o órgano competente procederá a efectuar a inscrición no rexistro se esta é correcta, ou, de ser o caso, a requirirlle ao solicitante a emenda dos defectos detectados na documentación ou a denegar a inscrición sinalando a causa na que se fundamenta.
Sentido do silencio: Non especificado
