Solicitar a inscrición nas probas para obter o certificado necesario para a expedición da primeira licenza de caza.

Cidadanía.

Para poder presentarse ás probas do exame do cazador é necesario ter cumprido os 16 anos.

As probas realizaranse:

• Os primeiros luns dos meses de febreiro, abril, xuño e setembro nos departamentos territoriais da consellería competente en materia de caza de A Coruña e Ourense.

• Os primeiros luns dos meses de marzo, maio, outubro e decembro nos departamentos territoriais da consellería competente en materia de caza de Lugo e Pontevedra.

Si coinciden en días inhábiles, realizaranse as probas o primeiro día hábil seguinte.

Así mesmo, as probas realizaranse nos lugares e hora sinalados polos correspondentes servizos provinciais de Patrimonio Natural dos departamentos territoriais da consellería competente en materia de caza.

• Inscrición para a realización do exame de cazador e maila expedición do certificado, de ser o caso ( 30.15.04)

Pode realizar o pago destas taxas na sede electrónica como un dos pasos da tramitación en liña.

As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal

Opcionalmente, poderanse presentar de xeito presencial en calquera dos lugares e dos rexistros establecidos na normativa reguladora do procedemento administrativo común.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

As persoas interesadas na realización das probas, deberán presentar a solicitude ( Anexo II)  xunto con:

• Copia do DNI ou NIE do solicitante, só no caso de opoñerse a súa consulta no Sistema de verificación de datos de identidade.

• Copia do DNI ou NIE da persoa representante, só no caso de opoñerse a súa consulta no Sistema de verificación de datos de identidade.

• Xustificante de pagamento da taxa (Código 30.15.04) agás que o pagamento da taxa se inicie e finalice a través da sede electrónica.

Comprobación de datos

1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña á súa consulta:

a) DNI/NIE da persoa solicitante.

b) DNI/NIE da persoa representante.

2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.

Cando así o exixa a normativa aplicable solicitarase o consentimento expreso da persoa interesada para realizar a consulta.

3. Excepcionalmente, cando algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.

Trámites administrativos posteriores á presentación da solicitude

A sede electrónica da Xunta de Galicia permite ás persoas interesadas realizar trámites electrónicos, con posterioridade ao inicio do expediente, accedendo á Carpeta cidadá da persoa interesada. Opcionalmente, as persoas interesadas tamén poderán realizar os ditos trámites de xeito presencial en calquera dos lugares e dos rexistros establecidos na normativa reguladora do procedemento administrativo común.