As persoas físicas ou xurídicas interesadas nos establecementos recollidos no parágrafo terceiro do artigo 33 do Decreto 153/1998:

a) Centros dedicados ao acicalamento ou coidados de animais.

b) Residencias de animais.

deberán presentar unha comunicación previa, dirixida á persoa titular do departamento territorial da consellería competente nesta materia, indicando os seus datos identificativos e demais requisitos xerais que se prevén nos parágrafos primeiro e segundo do artigo 36 exixibles para o inicio da actividade. Ademais, se o inicio das actividades afecta os centros dedicados ao acicalamento ou coidado de animais, deberá cumprir os requisitos do parágrafo terceiro (anexo II da Orde do 13 de xullo de 2010) .

Esta comunicación irá acompañada dunha memoria descritiva da actividade que se vai realizar, do establecemento e as súas instalacións, así como dos medios de que dispoñan recollidos no artigo 36.

2. Unha vez presentada a comunicación, xunto coa memoria descritiva, as persoas interesadas poderán iniciar as súas actividades, sen prexuízo de que o departamento territorial competente da consellería competente en materia de protección de animais domésticos e salvaxes en catividade inscriba, a título informativo na correspondente sección do rexistro, o establecemento de que se trate.

a) Centros dedicados ao acicalamento ou coidados de animais.

b) Residencias de animais.

• Comunicación previa relativa ao inicio de actividade nun centro dedicado ao acicalamento ou coidados de animais, ou nunha residencia de animais, que se conten no anexo I, modelo de solicitude MT420A.

• Memoria descritiva.