Regular o procedemento de comunicación da cesión de axudas PAC/DR por cesión de toda a explotación.

Persoas físicas ou xurídicas da Comunidade autónoma de Galicia que sexan cesionarias da totalidade dunha ou máis explotacións agrarias procedentes dunha persoa cedente que teña solicitadas as axudas da solicitude única na campaña.

a) A persoa cedente presente, ata o 15 de setembro de 2025 incluído, unha comunicación, segundo o modelo do anexo III dirixida á persoa titular da Dirección do Fogga.

Xunto con esta comunicación, a persoa cedente deberá presentar:

–  Documento de cambio de titularidade da ou das explotacións cedidas á persoa cesionaria conforme o regulado polo procedemento MR408C.

–  Acordo de cesión asinado entre as persoas cedente e cesionaria segundo o modelo do anexo  III-A.

–  De ser o caso, documento de autorización de sinatura.

A documentación complementaria deberá presentarse conforme o indicado no artigo 23.

b) Se cumpran todas as condicións para a concesión da axuda respecto da explotación cedida.

Documentación para a presentación.

As solicitudes e comunicacións iniciais deben ser realizadas a través da sede electrónica da Xunta de Galicia (https://sede.xunta.gal).

A persoa cedente debe presentar , unha comunicación, segundo o modelo do anexo III, dirixida á persoa titular da Dirección do Fogga.

Esta comunicación presentarase obrigatoriamente a través do formulario normalizado dispoñible na sede electrónica da Xunta de Galicia https://sede.xunta.gal (procedemento MR239G).

De conformidade co artigo 68.4 da Lei 39/2015, do 1 de outubro, se algunha das persoas interesadas presenta a súa solicitude presencialmente, requirirase para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Neste procedemento, os trámites administrativos posteriores ao de presentación desta comunicación deberán ser realizados a través da Carpeta cidadá dispoñible na sede electrónica da Xunta de Galicia https://sede.xunta.gal

Xunto con esta comunicación, a persoa cedente deberá presentar:

– Documento de cambio de titularidade da ou das explotacións cedidas á persoa cesionaria conforme o regulado polo procedemento MR408C.

– Acordo de cesión asinado entre as persoas cedente e cesionaria segundo o modelo do anexo III-A.

– De ser o caso, documento de autorización de sinatura.

Documentación complementaria

A documentación complementaria deberá presentarse conforme o indicado no artigo 21.

Comprobación de datos

Para o procedemento MR239G (Comunicación de cesión de axudas con cesión da explotación) consultaranse automaticamente os datos incluídos nos seguintes documentos:

–    DNI ou NIE das persoas cedente e cesionaria.

–    DNI ou NIE da persoa representante da persoa cedente e/ou cesionaria, de ser o caso.

–    Declaración informativa anual de entidades en réxime de atribución de rendas do último exercicio fiscal vencido no caso de que a persoa cesionaria sexa persoa xurídica con forma de Sociedade Civil ou Comunidade de Bens.

–    Certificado acreditativo de que as persoas cedente e cesionaria están ao día nas obrigas coa Seguridade Social (TXSS).

–    Certificado acreditativo de que as persoas cedente e cesionaria están ao día no pagamento das obrigas tributarias coa Comunidade Autónoma de Galicia, emitido pola Axencia Tributaria de Galicia (ATRIGA).

–    Os datos relativos á inhabilitación para recibir subvencións públicas da persoa cesionaria.

–    A vida laboral da persoa cesionaria dos últimos 12 meses, de ser o caso.

–    NIF das persoas cedente e cesionaria.

–    NIF da persoa representante da persoa cedente e/ou cesionaria, de ser o caso.

–    Certificado acreditativo de que as persoas cedente e cesionaria están ao día das obrigas tributarias co Estado, emitido pola Axencia Estatal de Administración Tributaria (AEAT).

–    No caso da persoa cesionaria, datos do IRPF correspondente ao último exercicio fiscal vencido ou, de ser o caso, dos dous últimos exercicios fiscais vencidos.

–    No caso da persoa cesionaria, declaración do Imposto de actividades económicas (IAE), de ser o caso.

–    No caso da persoa cesionaria, o nivel de renda, de ser o caso.

Ademais, poderanse consultar: 

–    NIF das persoas cedente e cesionaria.

–    NIF da persoa representante da persoa cedente e/ou cesionaria, de ser o caso.

–    Certificado acreditativo de que as persoas cedente e cesionaria están ao día nas obrigas tributarias co Estado, emitido pola Axencia Estatal de Administración Tributaria (AEAT).

–    No caso da persoa cesionaria, datos do IRPF correspondente ao último exercicio fiscal vencido ou, de ser o caso, dos dous últimos exercicios fiscais vencidos.

–    No caso da persoa cesionaria, declaración do Imposto de actividades económicas (IAE), de ser o caso.

–    No caso da persoa cesionaria, o nivel de renda, de ser o caso.

En caso de oposición expresa ou denegación da autorización polas persoas interesadas para realizar a comprobación de datos, deberán achegar os documentos comprobantes dos datos, nos termos exixidos polas normas reguladoras do procedemento.

Nos supostos de imposibilidade material de obter o documento, o órgano competente poderá requirirlle á persoa solicitante, cesionaria ou representante a súa presentación ou, na súa falta, a acreditación por outros medios dos requisitos aos cales se refire o documento, con anterioridade á formulación da proposta de resolución.

• Fase de solicitude
• Acordo de cesión de axudas asinado entre as persoas cedente e cesionaria (Anexo III-A)

Prazo de resolución:

Nove meses

Sentido do silencio:

Negativo