Se vostede, ben como particular ou ben representando unha persoa xurídica, quere realizar un vertido ó dominio público hidráulico, debe solicitar á Xunta de Galicia a correspondente autorización para poder proceder á realización do mesmo.

As autorizacións establecerán as condicións en que deben realizarse, e en todo caso, deben especificar as instalacións de depuración necesarias e os elementos de control e os límites cuantitativos e cualitativos que se impoñan a composición do efluente e o importe do canon de control do vertido.

O plazo máximo destas autorizacións será de cinco anos, renovables sempre que se cumpran as normas de calidade e obxectivos ambientais esixibles en cada momento.

Os vertidos ó dominio público hidraúlico están gravados cunha taxa, canon de control de vertidos, destinada ó estudio, control, protección e mellora do medio receptor.

• Solicitude segundo o Anexo I.

• Taxas administrativas devengadas pola tramitación da solicitude.

• Proxecto técnico das instalacións de tratamento e evacuación do vertido.

• No caso de vertidos indirectos ao dominio público a través da rede municipal de sumidoiros, copia do certificado de conexión polo Concello ou pola entidade concesionaria do servizo de saneamento no que conste o tipo de augas autorizadas para a súa conexión á rede municipal de sumidoiros e de tratamento posterior aplicado polo Concello ás devanditas augas residuais.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

Prazo de resolución: Seis meses

Sentido do silencio: Negativo