Orientámolo/a, paso a paso, para presentar unha solicitude no rexistro electrónico
MT823B - Sorteo de postos de pesca de lamprea no río Tea.
Convocatoria 2023
Prazo pechado: 11/01/2023 00:00 - 24/01/2023 23:59
Prazo pechado: 11/01/2023 00:00 - 24/01/2023 23:59Obxecto
O obxecto desta norma é establecer os prazos de admisión de solicitudes de participación nos sorteos de postos no río Tea para o aproveitamento específico da lamprea (Petromyzon marinus) no ano 2023 (procedemento MT823B).
Período e horario hábil
1. O período hábil de pesca será desde o 13 de febreiro ás 21.00 horas ata o 28 de maio ás 8.00 horas, do ano 2023.
A pesca realizarase en días alternos: os luns, mércores e venres desde as estacadas impares, e os martes, xoves e sábados desde as pares.
2. Poderase pescar desde as 21.00 horas do día autorizado ata as 8.00 horas do día seguinte. Prohíbese a pesca desde as 8.00 horas dos domingos ata as 21.00 horas dos luns.
A quen vai dirixido?
Pescadores/as do río Tea.
A zona de pesca é o tramo do río Tea comprendido entre a ponte do ferrocarril (Salvaterra de Miño) e a praia da Moscadeira (Ponteareas).
Requisitos
Modalidade de pesca.
Os medios autorizados para a pesca da lamprea no río Tea son a estacada, a fisga (unha por pescador) e a luz artificial. Enténdese por estacada a ponte ou pasarela de madeira ou similar situada en beiril sobre o río, perpendicularmente á dirección da corrente.
Características das estacadas
1. As estacadas deberán cumprir as condicións seguintes:
a) Deberán ter acceso desde terra e en ningún caso a súa lonxitude máxima superará a metade do leito fluvial ocupado polas augas en cada momento.
b) Un extremo apoiarase na marxe do río e o resto sobre pilotes ou postes de madeira ou ferro, de xeito que non se impida a libre circulación das augas baixo ela.
c) Deberán estar debidamente numeradas e situadas, de conformidade co recollido no anexo I desta orde. A situación exacta será a indicada polo persoal da Consellería de Medio Ambiente, Territorio e Vivenda, e non se poderá proceder á súa instalación sen o pagamento previo do prezo público correspondente. Calquera cambio de lugar requirirá a solicitude e a autorización previa do Servizo de Patrimonio Natural de Pontevedra.
No suposto de que os adxudicatarios de dúas estacadas contiguas queiran montalas conxuntamente, solicitarano previamente e, se é o caso, montarase no lugar correspondente á que estea sinalada augas máis abaixo.
d) Calquera modificación da vexetación de ribeira axustarase ao disposto na Lei 2/2021, de pesca continental de Galicia, e na Lei 5/2019, do 2 de agosto, do patrimonio natural e da biodiversidade de Galicia (DOG núm. 149, do 7 de agosto).
No caso de que a suxeición da estacada á terra sexa ás árbores de ribeira, tomaranse as medidas necesarias para que as ditas árbores non resulten danadas.
e) As luces colocaranse en liña paralela á estacada de xeito que todo o tramo quede iluminado coa mesma intensidade. En ningún caso se colocarán as luces por debaixo da estrutura da estacada. Prohíbense os focos ou similares.
f) Unha vez finalizado o réxime especial o día 28 de maio de 2023 os pescadores e as pescadoras disporán dun prazo de 15 días naturais para retirar as estacadas e demais instalacións e deberán deixar a contorna libre de lixo.
2. Do incumprimento dos anteditos requisitos de instalación e da retirada das estacadas responderán solidariamente todas as persoas autorizadas.
A onde acudir
Xunta de Galicia
Vicepresidencia Segunda e Consellería de Medio Ambiente, Territorio e Vivenda
Xefatura Territorial da Consellería de Medio Ambiente, Territorio e Vivenda de Pontevedra
Servizo de Patrimonio Natural de Pontevedra
Avda. María Victoria Moreno, 43-2º
36003 Pontevedra (Pontevedra)
Teléfono: 986805441/ 986805721
Fax: 986805436
Órgano responsable
Dirección Xeral de Patrimonio Natural
Normativa
Ámbito Autonómico
Orde do 23 de novembro de 2018 pola que se regulan o Rexistro de Entidades Colaboradoras de Pesca Fluvial, o Rexistro de Embarcacións e Artefactos Boiantes de Pesca Fluvial e mais os formularios normalizados que se van empregar en distintos procedementos en materia de pesca fluvial (DOG nº 232 do 5 de decembro de 2018).
Orde do 22 de setembro de 2022 pola que se modifica a Orde do 23 de novembro de 2018 pola que se regulan o Rexistro de Entidades Colaboradoras de Pesca Fluvial, o Rexistro de Embarcacións e Artefactos Boiantes de Pesca Fluvial e os formularios normalizados que se van empregar en distintos procedementos en materia de pesca fluvial (DOG nº 190 do 5 de outubro de 2022).
Orde do 26 de decembro de 2022 pola que se regula a pesca da lamprea no río Tea e se fixan o período e as condicións para presentar as solicitudes para participar no sorteo de postos de pesca para o ano 2023 (DOG nº 006 do 10 de xaneiro de 2023).
Prazo
Prazo de presentación: PECHADO
11/01/2023 00:00 - 24/01/2023 23:59
O prazo para solicitar a participación no sorteo será de 10 días hábiles, contados a partir do día seguinte ao da publicación desta orde no Diario Oficial de Galicia.
Documentación para a presentación
Forma e lugar de presentación de solicitudes
1. As persoas interesadas poderán participar no sorteo público que efectuará o Servizo de Patrimonio Natural de Pontevedra no lugar sinalado.
Non poderá participar no sorteo quen fose inhabilitado por incumprir as obrigas que establece o artigo 15 da Orde do 22 de decembro de 2021 pola que se regula a pesca da lamprea no río Tea e se fixan o período e as condicións para presentar as solicitudes para participar no sorteo de postos de pesca para o ano 2022 (DOG núm. 3, do 5 de xaneiro).
2. As solicitudes presentaranse preferiblemente por vía electrónica a través do formulario normalizado do procedemento MT823B, dispoñible na sede electrónica da Xunta de Galicia, https://sede.xunta.gal. Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Pluralidade de persoas solicitantes
As pretensións dunha pluralidade de persoas de contido e fundamento idéntico ou substancialmente similar poderán formularse nunha única solicitude. Neste suposto, deberá achegarse coa solicitude a lista completa de persoas solicitantes segundo o modelo dispoñible na sede electrónica da Xunta de Galicia (procedemento MT823B). As actuacións efectuaranse co representante ou coa persoa interesada que expresamente sinalen e, na súa falta, coa que figure en primeiro termo.
Documentación complementaria necesaria para a tramitación do procedemento
As persoas interesadas deberán achegar coa solicitude o Anexo XVI que está dispoñible na sede electrónica da Xunta de Galicia.
Comprobación de datos .
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña á súa consulta:
a) DNI/NIE das persoas solicitantes.
b) DNI/NIE da persoa representante.
c) NIF da entidade representante.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.
Cando así o exixa a normativa aplicable, solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilite a obtención dos citados datos, poderase solicitar ás persoas interesadas a presentación dos documentos correspondentes.
Trámites administrativos posteriores a la presentación de solicitudes
La sede electrónica de la Xunta de Galicia permite a las personas interesadas realizar trámites electrónicos, con posterioridad al inicio del expediente, accediendo a la Carpeta ciudadana de la persona interesada. Opcionalmente, las personas interesadas también podrán realizar dichos trámites presencialmente en cualquiera de los lugares y registros establecidos en la normativa reguladora del procedimiento administrativo común.
Outras convocatorias ou publicacións
Procedementos e servizos relacionados
Aberto todo o ano 
Aberto todo o ano 17/03/2022 00:00 - 18/04/2022 23:59 28/07/2022 00:00 - 29/08/2022 23:59 09/06/2023 00:00 - 10/07/2023 23:59 01/03/2019 00:00 - 16/09/2019 23:59