O obxecto desta resolución é establecer os requisitos para acceder ás probas ordinarias teóricas e prácticas, así como fixar as datas e os lugares de realización das citadas probas para obter os títulos que habilitan para o goberno das embarcacións de lecer e motos náuticas na Comunidade Autónoma de Galicia para o ano 2017.

Os títulos habilitantes para o goberno das embarcacións de lecer son:

- Capitán/Capitá de iate.

- Patrón/Patroa de iate.

- Patrón/Patroa de embarcacións de lecer.

- Patrón/Patroa para a navegación básica.

- Patrón/Patroa de motonáutica A ou B

Os exames teóricos e prácticos realizaranse nos seguintes centros:

- Instituto Politécnico Marítimo-Pesqueiro do Atlántico de Vigo (avenida Beiramar, 55, 36202 Vigo. Teléf.: 886 110 825/ 886 110 826).

- Escola Oficial Náutico-Pesqueira de Ferrol (rúa 19 de Febreiro, 30-34, 15405 Ferrol. Teléf.: 881 938 212 / 881 938 213).

- Escola Oficial Náutico-Pesqueira de Ribeira (rúa Praia de Coroso, s/n, 15960 Ribeira. Teléf.: 881 866 317 / 881 866 324).

As datas dos exames teóricos e prácticos, así como os lugares onde se realizarán, aparecen indicados no anexo II desta Resolucíón. As horas dos exames serán anunciadas no taboleiro de anuncios de cada centro de ensino e no portal web de formación da Consellería do Mar.

Para obter o título de lecer correspondente, ademais de superar estas probas os/as interesados/as deberán reunir os requisitos establecidos no Real decreto 875/2014, do 10 de outubro, polo que se regulan as titulacións náuticas para o goberno das embarcacións de lecer.

• Solicitude segundo o Anexo I.

• Recoñecemento psicotecnico, no caso de que sexa necesario, de acordo co disposto no anexo VIII do Real decreto 875/2014, do 10 de outubro.

• Xustificante de aboamento das taxas.

• Consentimento dos seus pais, nais ou titores/as legais para os menores de idade que teñan cumpridos os 16 anos de idade no momento de realización das probas, para obter o título de patrón/patroa para navegación básica.

• As persoas candidatas que se presenten ao exame teórico ou práctico de seguridade e navegación de patrón/patroa de iate ou de capitán/capitá de iate achegarán copia do título anterior, se foi expedido fóra da Comunidade Autónoma de Galicia.

• As persoas candidatas que se presenten ao exame teórico complementario do patrón/patroa de embarcacións de lecer, achegarán copia do certificado de exame de patrón/patroa para navegación básica expedido pola Comunidade Autónoma de Galicia ou do título segundo o Real decreto 875/2014.

• As persoas candidatas que se presenten ao exame de patrón/patroa de iate ou capitán/capitá de iate e superasen un dos módulos do exame teórico segundo o Real decreto 875/2014, achegarán copia do certificado de exame expedido pola Comunidade Autónoma de Galicia.

• As solicitudes presentaranse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.gal

• Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e Chave365 (https://sede.xunta.gal/chave365).

A sede electrónica da Xunta de Galicia ten á disposición das persoas interesadas unha serie de modelos normalizados para facilitar a realización de trámites administrativos despois da presentación das solicitudes de inicio. Estes modelos presentaranse por medios electrónicos accedendo á carpeta do cidadán da persoa interesada dispoñible na sede electrónica da Xunta de Galicia. Cando as persoas interesadas non resulten obrigadas á presentación electrónica das solicitudes tamén poderán presentalos presencialmente en calquera dos lugares e rexistros establecidos na normativa reguladora do procedemento administrativo común.

Unha vez finalizado o prazo de matrícula de cada convocatoria que aparece indicado no anexo II, farase pública a listaxe provisional das persoas admitidas e excluídas no portal web de formación da Consellería do Mar http://mar.xunta.gal/gl/o-mar/investigacion-e-formacion/formacion/informacion-do-alumnado e nos taboleiros de anuncios de cada centro oficial de ensino pesqueiro, dando un prazo de 10 días hábiles para que as persoas excluídas poidan emendar as deficiencias, de acordo co disposto no artigo 68.1 da Lei 39/2015, do procedemento administrativo común das administracións públicas.

• A documentación complementaria presentarase preferiblemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.

Opcionalmente, as persoas interesadas poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.

Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.