Regular o procedemento de solicitude do informe sanitario relativo á idoneidade da captación, á cualificación sanitaria das augas e ós mínimos precisos para a súa potabilización a fin do obter a concesión de augas para o servicio público de abastecemento dunha ou varias poboacións.

Os suxeitos obrigados a relacionarse por medios electrónicos coas administracións públicas, de acordo co artigo 14 da Lei 39/2015, así como as persoas físicas que non estando obrigadas a relacionarse electronicamente, elixan empregar esta vía.

• Informes técnicos e outras actuacións facultativas realizadas por persoal técnico ao servizo da administración xeral e das entidades públicas instrumentais dependentes dela, cando deban facerse como consecuencia de disposicións en vigor ou dos termos propios das concesións e autorizacións outorgadas ( 32.01.00)

Pode realizar o pago destas taxas na Oficina Virtual Tributaria.

• Solicitude segundo o Anexo I.   

 Para todas as solicitudes:

• Xustificante do pagamento das taxas (32.01.00 sen saída de campo) .

• Memoria na que se inclúa:

  • Denominación da captación, localización e coordenadas.

  • Esquema ou plano de principio e memoria explicativa. Categoría da auga (subterránea, superficial río, superficial lago), tipo (galería, manancial, pozo entubado, pozo escavado, lago, río, presa), punto de mostraxe previsto, medidas de sinalización (modelo de cartel de sinalización a excepción das captacións para casa particulares ) e materiais de construción.

  • Denominación e código da masa da auga e zona protexida onde se situará a nova captación; profundidade e características do chan e tipo de rocha encaixante.

  • Posibles focos de contaminación augas arriba, no caso de orixe superficial e do terreo, no caso de orixe subterráneo.

  • Medidas de protección previstas e perímetros de protección solicitados.

  • Zonas de abastecemento a abastecer e tratamento de potabilización posterior que se ten previsto.

  • Caudal medio anual previsto en m³.

• A. SE A CAPTACIÓN PERTENCE A UNHA ZONA DE ABASTECEMENTO TIPO 0 (captacións pertencentes a unha zona de abastecemento que subministra 10 m3/día ou menos e non ten unha actividade pública ou comercial).

  • Analítica da auga realizada por un laboratorio que cumpra co descrito no artigo 20 do Real Decreto 3/2023, do 10 de xaneiro, polo que se establecen os criterios técnico-sanitarios da calidade da auga de consumo, o seu control e subministro (BOE» núm. 9, do 11 de xaneiro do 2023).

Na que se analicen os seguintes parámetros: Escherichia coli, Clostridium perfringens (incluídas as esporas), Bacterias coliformes, amonio, aluminio, ferro, manganeso, arsénico, nitratos, nitritos, oxidabilidade, color, conductividade, pH, turbidez, actividade alfa, actividade beta e radon (so en augas subterráneas).

• B. SE A CAPTACIÓN PERTENCE A UNHA ZONA DE ABASTECEMENTO TIPO 1, 2, 3, 4, 5 ou 6 (captacións pertencentes a unha zona de abastecemento que subministra máis de 10 m3/día ou ten unha actividade pública ou comercial).

  • Analítica da auga realizada por un laboratorio que cumpra co descrito no artigo 20 do Real Decreto 3/2023, do 10 de xaneiro, polo que se establecen os criterios técnico-sanitarios da calidade da auga de consumo, o seu control e subministro (BOE» núm. 9, do 11 de xaneiro do 2023).

Análise cos parámetros do anexo I, partes A, B e C; excepto os seguintes parámetros: clorito e clorato, Trihalometanos, Ácidos Haloacéticos, cloro libre residual e cloro combinado residual. Engadirase tamén un control de radioactividade segundo sinala o anexo II, parte B.

Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

Prazo de resolución: Tres meses

Sentido do silencio: Positivo