Aprobación do Regulamento de apostas da Comunidade Autónoma de Galicia

Este procedemento tramitarase para inscribir no Rexistro de Apostas da Comunidade Autónoma de Galicia a todas aquelas empresas que estean interesadas en homologar material de apostas que se desexe comercializar e explotar na Comunidade Autónoma de Galicia.

a) Estar constituída baixo a forma xurídica de sociedade mercantil, de conformidade cos requisitos establecidos na lexislación mercantil vixente. O capital social deberá estar totalmente subscrito e desembolsado e será como mínimo de 60.000 euros.

b) Ter como obxecto social a fabricación ou importación de material de apostas.

c) Ter a nacionalidade española ou a de calquera dous Estados membros da Unión Europea. A participación directa ou indirecta de capital estranxeiro axustarase ao establecido na lexislación vixente sobre investimentos estranxeiros en España.

d) Ter constituída e depositada unha fianza a favor da dirección xeral competente en materia de xogo, polo importe de 15.000 euros.

• a) Copia da escritura pública de constitución e estatutos sociais, así como a acreditación da súa inscrición no rexistro mercantil e da identidade e condición de representante da persoa asinante da solicitude.

• b) Copia do NIF da sociedade.

• c) Relación de persoas socias e, de cada un dos socios, o seguinte documento segundo o caso:

  • Persoas físicas: copia autenticada do DNI ou número de documento e sinatura da autorización para que sexa verificado pola Administración na base de datos de NIF do Ministerio do Interior.

  • Persoas estranxeiras: documento equivalente.

  • Persoas xurídicas: escritura pública da súa constitución.

• d) Certificado de conduta cidadá das persoas socias conforme a Lei 68/1980, do 1 de decembro.

• e) Relación das persoas con poder de representación da empresa e prazo da súa permanencia no cargo e, o seguinte documento, segundo o caso:

  • Persoas físicas: copia autenticada do DNI ou número de documento e sinatura da autorización para que sexa verificado pola Administración na base de datos de NIF do Ministerio do Interior.

  • Persoas estranxeiras: documento equivalente.

  • Persoas xurídicas: escritura pública da súa constitución.

• f) Identificación dos membros da xunta directiva, consello de administración, apoderados, cargos xerenciais e de dirección do negocio. Declaración responsable.

• g) Orixinal do xustificante do depósito da fianza.

• h) Xustificante acreditativo do pagamento da taxa administrativa correspondente.

Prazo de resolución: 2 meses

Sentido do silencio: Positivo