A autorización de explotación habilita a empresa operadora a explotar con carácter exclusivo unha máquina recreativa e de azar e ampara, en todo o territorio da Comunidade Autónoma de Galicia, a legalidade individualizada da específica máquina de xogo en canto á súa correspondencia co modelo homologado e inscrito na sección correspondente do Rexistro de Modelos da comunidade autónoma e á súa titularidade. A devandita autorización deberá ser inscrita no Rexistro de Empresas de Máquinas de Xogo.

A autorización de explotación deberá ir xunto coa máquina en todos os seus traslados e instalacións e reflectirá os distintos cambios de titularidade que a máquina poida experimentar, así como renovacións, cambios de ámbito territorial ou as baixas da devandita máquina.

Prazo de presentación: ABERTO

Con data 1.01.2025 abrése o prazo de presentación de solicitudes en virtude do art. 59. dous, da Lei 5/2024 de medidas fiscais e administrativas, que modifica o apartado 5 do art. 14 da Lei 3/2023, de 4 de xullo, reguladora dos xogos de Galicia

• Solicitude de autorización de explotación de máquinas recreativas e de azar, seguno modelo normalizado PR329A

• Certificado de fabricación da máquina.

• Xustificante de pago da tasa administrativa