Pode solicitar esta licencia e a súa renovación calquera persoa, a título individual, que cumpra os requisitos que se detallan no seguinte apartado e que desexe practicar a pesca continental. (Está destinada só a persoas físicas).

Non teñen obriga de solicitar esta licenza:

1.- As persoas que teñan 14 anos ou menos, sempre que vaian acompañados doutra  persoa que sexa maior de idade e que sexa titular dunha licenza de pesca continental.

2.-Tampouco teñen obriga de solicitar esta licenza as persoas que practiquen a pesca nos establecementos privados de pesca en réxime intensivo e nas escolas de río.

Prazo de presentación: ABERTO

Esta licenza é persoal e intransferible, polo que as persoas que a queiran obter ou renovar deben acreditar a súa identidade, tanto se son maiores de idade como menores,  e aboar a taxa correspondente nos casos que sexa preciso. Están exentas de pagar esta taxa as persoas menores de idade ou maiores de sesenta e cinco anos e as persoas cun grao de discapacidade igual ou superior ao 33 %.

As persoas menores de idade non emancipadas, é dicir, que non vivan de forma independente, que queiran solicitar a licenza de pesca continental deben dispoñer do permiso da persoa que teña a súa representación legal.

• Clase A: válida para españois, outros cidadáns da unión europea e estranxeiros residentes, maiores de 18 anos e menores de 65 anos ( 30.14.01)
• Clase A-1: Iguales características que a clase A, pero cun período de validez de quince días. Clase A-2: Iguales características que a clase A, pero cun período de validez de dous anos ( 30.14.02)
• Clase B: válida para estranxeiros non residentes e cidadáns de países non pertencentes á unión europea. ( 30.14.03)
• Clase B-1: iguales características que a clase B pero cun período de validez de quince días ( 30.14.04)
• Clase E: licenza especial para embarcacións e artefactos boiantes que se empreguen no exercicio da pesca ( 30.14.08)
• Recargo para licencias que inclúan a pesca do reo e do salmón ( 30.14.09)
• Recarga para a pesca a flote ( 30.14.10)
• Licenza única interautonómica en materia de pesca continental ( 30.14.11)

Pode realizar o pago destas taxas na Oficina Virtual Tributaria.

Documentación para a presentación

A documentación necesaria para a tramitación deste procedemento é a seguinte:

a) Hai que achegar o xustificante/s do pago das taxas que correspondan segundo o tipo de licenza, tal como se explicou no apartado anterior cos códigos que se mostran a continuación:

Clave          Clase            Tipo

30.14.01    Clase A           Españois, estranxeiros residentes e cidadáns U.E. maiores de 18 anos e menores de 65

30.14.02    Clase A.1        Españois, estranxeiros residentes e cidadáns U.E. maiores de 18 anos e menores de 65 (15 días)

30.14.02    Clase A.2        Iguais características que a Clase A, pero cun período de validez de dous anos

30.14.03    Clase B           Estranxeiros non residentes

30.14.04    Clase B.1        Estranxeiros non residentes (15 días)

30.14.07    Clase D           Para pesca de anguía, angula, lamprea e especies de esteiro

30.14.08    Clase E           Para embarcacións e artefactos flotantes

b) No caso de contar cunha resolución de discapacidade por outra Administración, que non sexa a Xunta de Galicia, debe aportarse o Certificado de discapacidade expedido por esa outra Administración.

c) Cando se solicite unha licenza para menores de 18 anos sen DNI ou NIE  hai que achegar a fotografía actualizada do/a menor e a copia do libro de familia.

d) No caso de ser un  representante o que asina a solicitude debe acreditar esta representación por calquera medio válido en dereito. (Non é necesaria esta acreditación  no caso de menores, cando a representación sexa exercida por quen ostente a patria potestade, tutela ou curatela).

-Ademais, para a tramitación deste procedemento consultaranse automaticamente por parte da Administración os datos incluídos nos seguintes documentos elaborados polas administracións públicas:

a) Para a obtención ou renovación de licenzas  de menores de 18 anos sen DNI ou NIE o DNI/NIE do pai, a nai ou o/a titor/a que figure na solicitude.

b) Para as persoas que conten cunha resolución de discapacidade emitida pola Xunta de Galicia o Certificado de discapacidade expedido pola Administración Autonómica de Galicia.

Prazo de resolución:

O prazo de resolución deste procedemento é de 3 meses (contados a partir do día seguinte da entrada da solicitude na unidade correspondente).

Sentido do silencio:

O sentido do silencio é negativo. (No caso de non obter unha resposta neste prazo de 3 meses, enténdese desestimada a solicitude).