Créase o rexistro de establecementos distribuidores e dispensadores de medicamentos veterinarios e establecementos elaboradores de autovacinas de uso veterinario, rexistro público de carácter administrativo adscrito á consellería competente en materia de gandaría e xestionado pola dirección xeral competente na materia, no cal se inscribirán os almacéns de distribución por xunto, os establecementos de venda polo miúdo, as entidades ou agrupacións gandeiras autorizadas para a venda polo miúdo, así como os establecementos elaboradores de autovacinas que se atopen domiciliados e realicen as súas actividades na Comunidade Autónoma de Galicia.

Tamén se inscribirán no rexistro os actos administrativos que afecten a vixencia, modificación, suspensión ou revogación das autorizacións correspondentes.

Os almacéns de distribución por xunto, os establecementos de venda polo miúdo, as entidades ou agrupacións gandeiras autorizadas para a venda polo miúdo, así como os establecementos elaboradores de autovacinas que se atopen domiciliados e realicen as súas actividades na Comunidade Autónoma de Galicia.

Os establecementos sinalados no artigo 8, que veñan exercendo a súa actividade antes da entrada en vigor deste decreto serán incluídos de oficio no rexistro regulado no punto 1 do citado artigo pola consellería competente en materia de gandaría.

Para a súa inscrición no dito rexistro, os establecementos a que fai referencia o artigo anterior precisarán dunha autorización administrativa previa da consellería competente en materia de gandaría. Para tal fin os operadores presentarán unha solicitude dirixida á persoa titular da dirección xeral competente en materia de gandaría, conforme o modelo do anexo III deste decreto, en calquera dos lugares previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben por medios electrónicos no enderezo http://mediorural.xunta.es

• Solicitude segundo o Anexo III.

• Memoria da actividade.

• Memoria explicativa das infraestruturas e medios cos que conta o establecemento (planos de situación e planos do establecemento indicando a súa distribución, e os medios frigoríficos e dispositivos de control da temperatura cos que conta. no caso de entidades elaboradoras de autovacinas, especificaranse os tipos de axentes en función do risco de infección de acordo coa normativa vixente en materia de protección contra os riscos relacionados coa exposición a axentes biolóxicos durante o traballo).

• Nomeamento da persoa técnica farmacéutica ou directora técnica farmacéutica responsable e documentación xustificativa da presentación dos servizos.

• Certificado de colexiación da persoa técnica farmacéutica ou directora técnica farmacéutica responsable.

• Copia do programa zoosanitario ( só entidades/agrupacións gandeiras).

• Acreditación da xestión dos residuos sanitarios (no caso de entidades elaboradoras de autovacinas).

• Copia do modelo de rexistro (entradas e saídas de medicamentos).

• Anexo III-bis para a comprobación do NIF da empresa.

• Xustificante do pagamento da taxa (exemplar para a administración).

• Comprobación de datos.

Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• NIF da entidade solicitante.

• NIF da entidade representante.

• Imposto de Actividades Económicas (IAE).

Prazo de resolución: O prazo para resolver estas solicitudes será de noventa días contados desde que se reciba a solicitu

Sentido do silencio: Positivo