Se vostede, como persoa física ou en representación dunha empresa, quere efectua-lo rexistro dunha instalación receptora de gases combustibles, deberá solicitalo ante a xefatura territorial da Consellería de Economía e Industria correspondente nos seguintes casos:

a). As instalacións individuais, para calquera clase de usos, cando a potencia nominal de utilización sexa superior a 70 Kw (60,2 te h).

b). As instalacións comúns para calquera clase de usos sempre que a potencia nominal de utilización simultánea das instalacións individuais a que se alimenta sexa superior a 700 Kw (60,1 te h).

c). As acometidas interiores para calquera clase de usos sempre que a potencia nominal de utilización simultánea das instalacións a que se alimenta sexa superior a 700 Kw (602,1 te h).

d). As instalacións receptoras alimentadas a partir de botellas ou envases de GLP, con capacidade unitaria superior a 15 quilogramos de gas, sempre que a capacidade total de GLP, incluídas tanto as botellas en servicio como as de reserva, sexa superior a 350 quilogramos. No proxecto incluiranse tanto as referidas botellas, como as súas condicións de almacenamento. Así mesmo, esixirase proxecto nas instalacións receptoras con botellas de capacidade unitaria inferior a 15 quilogramos, cando a capacidade total dos envases conectados (en servicio e en reserva) sexa superior a 200 quilogramos de gas.

e). As instalacións receptoras alimentadas desde un centro productor de gas combustible no que o gas é un subproducto, ou nas que o gas se obteña na mesma planta (na que se encontra a receptora) como subproducto dun proceso industrial, de síntesis, biogás, etc., cando a potencia nominal de utilización simultánea sexa superior a 70 Kw ou existan na planta depósito de almacenamento de gas fixos ou móbiles, de capacidade superior a 1,0 m3 N. No proxecto incluiranse estes depósitos, e, no seu caso, o detalle do proceso a partir do que se obtén o gas combustible e os equipos que para isto se precisen.

f). Aquelas outras instalacións receptoras que polas súas características especiais precisen proxecto de acordo cos regulamentos técnicos en vigor.

g). As instalacións receptoras, subministradas desde redes que operen a unha presión de servicio efectiva superior a 4 bar, para calquera clase de usos, independente da potencia nominal de utilización simultánea.

Para mais información e consultas públicas acudir a:

http://oficinavirtualindustria.xunta.es/

• Inscrición en rexistros oficiais. Primeira inscrición. Modificacións da primeira inscrición. ( 30.02.00)
• Inscrición no rexistro de instalacións receptoras de gas ( 32.19.12)
• Modificación no rexistro de instalacións receptoras de gas ( 32.19.38)

Pode realizar o pago destas taxas na sede electrónica como un dos pasos da tramitación en liña.

• A documentación a presentar para a autorización das instalacións receptoras de gases combustibles, será a seguinte:

• Solicitude

• Proxecto construtivo de instalación (por duplicado)

• Certificado de dirección de obra (en orixinal e tres copias)

• Certificado de instalación.

• Certificado de chemineas segundo ITC-IGC07, se é o caso.

• Certificado de acometida.

• A presentación das solicitudes dos procedementos que se indican no anexo I da Resolución do 22 de xullo de 2014, realizarase unicamente por medios electrónicos a través dos formularios normalizados dispoñibles na sede electrónica da Xunta de Galicia, https://sede.xunta.es, e na oficina virtual de Industria, http://oficinavirtualindustria.xunta.es, de conformidade co establecido nos artigos 27.6 da Lei 11/2007, do 22 de xuño, de acceso electrónico dos cidadáns aos servizos públicos, e 24.2 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade (DNI) electrónico ou calquera dos certificados electrónicos recoñecidos pola sede electrónica da Xunta de Galicia.

• A documentación complementaria presentarase electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto nos artigos 35.2 da Lei 11/2007, do 22 de xuño, de acceso electrónico dos cidadáns aos servizos públicos, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.

A oficina virtual de Industria, http://oficinavirtualindustria.xunta.es permite a consulta en liña da información relacionada cos procedementos vinculados ao órgano competente en materia de industria, ademais do acceso a unha serie de servizos electrónicos para realizar xestións e consultas.

De conformidade coa Lei orgánica 15/1999, do 13 decembro, de protección de datos de carácter persoal, os datos persoais recollidos na tramitación desta disposición, cuxo tratamento e publicación autorizan as persoas interesadas mediante a presentación de solicitudes, serán incluídos nun ficheiro denominado «Relacións administrativas coa cidadanía e entidades» cuxo obxecto é xestionar o presente procedemento, así como para informar as persoas interesadas sobre o seu desenvolvemento. O órgano responsable deste ficheiro é a Secretaría Xeral Técnica da Consellería de Economía e Industria. Os dereitos de acceso, rectificación, cancelación e oposición poderanse exercer ante a Secretaría Xeral Técnica da Consellería de Economía e Industria, mediante o envío dunha comunicación ao seguinte enderezo: Edificio Administrativo San Caetano, s/n, bloque 5, planta 4ª, 15781 Santiago de Compostela, ou a través dun correo electrónico a lopd.industria@xunta.es

Co obxectivo de manter adaptados á normativa vixente os formularios vinculados a normas reguladoras de procedementos administrativos de prazo aberto, estes poderán ser actualizados na sede electrónica da Xunta de Galicia, sen necesidade de publicalos novamente no Diario Oficial de Galicia (DOG), sempre que a modificación ou actualización non supoña unha modificación substancial deste. Por conseguinte, para a presentación das solicitudes será necesario utilizar os formularios normalizados, dispoñibles na sede electrónica da Xunta de Galicia, onde estarán permanentemente actualizados e accesibles para as persoas interesadas.

Amplíase en tres meses máis, ata o 26 de febreiro de 2015 (inclusive), o prazo para poder presentar en soporte papel as solicitudes dos procedementos que se indican no anexo I da Resolución do 22 de xullo de 2014, da Dirección Xeral de Enerxía e Minas, pola que se informa sobre a tramitación electrónica de diversos procedementos (DOG núm. 160, do 25 de agosto).