Regular o procedemento de expedición, renovación, obtención dun duplicado ou validación do carné de operador de guindastre torre, regulado no Real decreto 836/2003, do 27 de xuño, polo que se aproba unha nova instrución técnica complementaria MIE/AEM-2 do Regulamento de aparellos de elevación e manutención, referente a guindastres torre para obras ou outras aplicacións.

Persoas físicas que queiran obter ou renovar o carné de operador de guindastre torre.

• Capacitación profesional para o exercicio de actividades en materia de seguridade industrial: realización de probas para a obtención do certificado e a expedición de certificados de capacitación profesional ( 32.07.01)
• Renovación dos anteriores certificados. ( 32.07.02)

Pode realizar o pago destas taxas na Oficina Virtual Tributaria.

Forma de presentación de solicitudes

O procedemento IN613N tramitarase electronicamente ou de forma presencial mediante a descarga do formulario normalizado e a súa presentación ante un Rexistro de acordo co disposto no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas.

Taxa:

No caso de que o obxecto da solicitude sexa a expedición dun carné profesional, o procedemento terá vinculada a taxa con código 32.07.01. No resto de casos, o procedemento terá vinculada a taxa con código 32.07.02.

Comprobación de datos.

Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:

• DNI ou NIE da persoa solicitante.

• DNI ou NIE da persoa representante.

• NIF da persoa representante.

• Títulos oficiais non universitarios da persoa solicitante que obran en poder do Ministerio de Educación

No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.

Cando así o esixa a normativa aplicable solicitarase o consentimento expreso da persoa interesada para realizar a consulta.

Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.

Documentación a presentar:

As persoas interesadas deberán achegar coa solicitude a seguinte documentación:

• Solicitude segundo o Anexo I.

• Copia do DNI ou NIE da persoa solicitante, só no caso de non autorizar a súa consulta.

• Psicotécnico ou certificado medico.

• Certificado de profesionalidade que cumpra co disposto no anexo VI do Real Decreto 836/2003, do 27 de xuño, de ser o caso.

• Certificación outorgada por unha entidade acreditada para a certificación de persoas que cumpra co disposto no anexo VI do Real Decreto 836/2003, do 27 de xuño, de ser o caso.

• Título de Formación Profesional que cumpra co disposto no anexo VI do Real Decreto 836/2003, do 27 de xuño, de ser o caso, só no suposto de non autorizar a súa consulta.

• Copia do carne profesional a renovar, de ser o caso.

• Copia do carné profesional doutro estado para validar, de ser o caso.

• Tradución xurada do carné profesional doutro estado para validar, de ser o caso.

• Tradución xurada da documentación que acredite que o carné está expedido pola autoridade competente dese Estado, de ser o caso.

• Xustificante do pago das taxas administrativas (Código: 32.07.01 – 32.07.02).

Trámites administrativos posteriores á presentación de solicitudes

A sede electrónica da Xunta de Galicia permite ás persoas interesadas realizar trámites electrónicos con posterioridade ao inicio do expediente, accedendo á Carpeta cidadá da persoa interesada. Opcionalmente, as persoas interesadas tamén poderán realizar os ditos trámites presencialmente en calquera dos lugares e rexistros establecidos na normativa reguladora do procedemento administrativo común.