Antes da apertura dun taller de reparación de vehículos automóbiles, a persoa física ou xurídica que desexe exercer esta actividade deberá presentar telematicamente, ante a consellería competente en materia de industria, unha declaración responsable de acordo co modelo do anexo I, na cal a persoa titular ou representante legal da empresa declare que cumpre os requisitos que se esixen na normativa reguladora, que dispón da documentación que así o acredita, que se compromete a mantelos durante a vixencia da actividade e que se responsabiliza de que a execución dos traballos se efectúa de acordo coas normas e requisitos que se establecen na normativa de aplicación.

No caso de dispor de varios talleres, habería que presentar unha declaración para cada un deles.

A tramitación no procedemento IN609Y inclúe a inscrición na división A do Rexistro Industrial de Galicia, polo que non é necesario realizar a dita inscrición de forma independente mediante o procedemento IN617B.

A declaración responsable sinalada nos puntos anteriores presentarase exclusivamente por medios telemáticos, de acordo co disposto no artigo 27º.6 da Lei 11/2007, do 22 de xuño, de acceso electrónico dos cidadáns aos servizos públicos.

Para mais información e consultas públicas acudir a:

http://oficinavirtualindustria.xunta.es/

A persoa física ou xurídica que desexe exercer esta actividade.

Prazo de presentación: ABERTO

• Presentación de declaracións responsables de inicio de actividade ( 32.07.22)
• Presentación de declaracións responsables de modificación ou cese de actividade ( 32.07.23)

Pode realizar o pago destas taxas na sede electrónica como un dos pasos da tramitación en liña.

• Para a inscrición no Rexistro de Talleres de Reparación de Vehículos Automóbiles en réxime de establecemento, a persoa declarante deberá presentar ante o correspondente departamento territorial da consellería competente en materia de industria a seguinte documentación:

  • Declaración responsable de inicio de actividade.

  • Estudo técnico que incluirá, polo menos, unha relación detallada dos utensilios, equipamentos e ferramentas de que dispoñen, de acordo coas ramas de actividade que vaian desenvolver, así como unha relación detallada dos diversos traballos e servizos que poderá prestar o taller.

  • Autorización escrita do fabricante nacional, ou do representante legal do fabricante estranxeiro, no caso de tratarse dun taller autorizado.

De xeito previo a esta declaración, a persoa titular do taller ou representante legal deste solicitará ao departamento territorial da consellería competente en materia de Industria a inscrición das instalacións deste sometidas a lexislación específica de seguridade industrial nos rexistros pertinentes, seguindo a tal efecto a lexislación que sexa de aplicación en cada caso.

• Para a modificación dunha declaración responsable precedente, a persoa declarante deberá presentar ante o correspondente departamento territorial da consellería competente en materia de industria a seguinte documentación:

  • Declaración responsable de modificación ou cesamento da actividade.

  • Estudo técnico que incluirá, polo menos, unha relación detallada dos utensilios, equipamentos e ferramentas de que dispoñen, de acordo coas ramas de actividade que vaian desenvolver, así como unha relación detallada dos diversos traballos e servizos que poderá prestar o taller.

  • Autorización escrita do fabricante nacional, ou do representante legal do fabricante estranxeiro, no caso de tratarse dun taller autorizado.

De xeito previo a esta declaración, a persoa titular do taller ou representante legal deste solicitará ao departamento territorial da consellería competente en materia de Industria a modificación pertinente das instalacións deste sometidas a lexislación específica de seguridade industrial nos rexistros pertinentes, seguindo a tal efecto a lexislación que sexa de aplicación en cada caso.