Para solicitar a concesión de aproveitamento de augas minerais, termais e de manancial é requisito previo a declaración de condición mineral, termal e de manancial das augas.

O aproveitamento das augas minerais, termais e de manancial poderá solicitarse dentro do prazo dun ano a contar dende a notificación da resolución de declaración de condición mineral, termal e de manancial das augas polo propietario dos terreos onde estas emerxan, ante a Consellería de Economía, Emprego e Industria.

O outorgamento do aproveitamento poderá realizarse mediante concurso público si a solicitude non se presentara dentro do prazo ou si fose denegada, e tamén cando a declaración fóra de oficio.

O aproveitamento outorgado inscribirase de oficio no Rexistro de Augas Minerais, Termais e de Manancial da Consellería de Economía, Emprego e Industria.

Os aproveitamentos das augas outorgan ao seu titular o dereito exclusivo a utilizar os medios legais necesarios para impedir que se realicen dentro do perímetro de protección fixado, traballos ou actividades que puidesen prexudicar ao acuífero.

O titular dun aproveitamento estará obrigado a iniciar a explotación no prazo dun ano contado a partir da data na que estean debidamente autorizadas as instalacións.

Os dereitos que outorga unha concesión ou autorización de aproveitamento poderán ser transmitidos, arrendados e gravados por calquera medio admitido en dereito.

• Solicitude segundo o Anexo I.

• Análise e estudos necesarios para o aproveitamento conforme especifica o anexo II do Real decreto 1798/2010, do 30 de decembro.

• Proxecto xeral de aproveitamento que deberá incluir como mínimo: Descrición e obras executadas na captación; conducións ata as instalacións de aproveitamento; sistema de vixilancia e control da captación e a súa contorna; réxime de explotación do acuífero, caudal, tempadas de máximo aproveitamento, etc; descrición dos tratamentos a realizar; descrición detallada das instalacións principais e accesorias; estudo xustificativo da necesidade do perímetro de protección e a delimitación proposta; planos.

• Orzamentos dos investimentos totais a realizar e estudo económico do seu financiamento, así como plan e garantías sobre a súa viabilidade.

• Título que acredite a dispoñibilidade sobre os terreos afectados.

• Proxecto xeral de aproveitamento subscrito por técnico/a competente coas especificacións previstas no anexo da Lei 8/2019, do 23 de decembro, de regulación de aproveitamentos lúdicos de augas termais.

• Estudo xustificativo da necesidade do perímetro de protección, que deberá conter as especificacións previstas no anexo da Lei 8/2019, de 23 de decembro.

• Documentación que xustifique as solvencias económica e técnica da persoa solicitante, de conformidade co previsto no artigo 18.1.c) da Lei 3/2008, do 23 de maio, de ordenación da minería de Galicia .

• Documentación exixida pola normativa de aplicación en materia de avaliación ambiental, no caso de proxectos que teñan que someterse á dita avaliación.

• Certificado municipal relativo á situación urbanística dos terreos afectados.

• Informe sobre o impacto sociolaboral do proxecto xeral de aproveitamento.

• Plan de peche, restauración e abandono.

• Calquera outra documentación establecida reglamentariamente.

• No caso de persoas xurídicas solicitantes, copia da escritura ou documento de constitución, de modificación, dos estatutos ou do acto fundacional.

• No caso de actuar por medio de representante, documentación acreditativa da representación.

COMPROBACIÓN DE DATOS

Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.

• DNI o NIE da persoa solicitante

• DNI o NIE da persoa representante

CONSENTIMENTO PARA A COMPROBACIÓN DE DATOS

A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.

• NIF da entidade solicitante

• NIF da entidade representante