Orientámolo/a, paso a paso, para presentar unha solicitude no rexistro electrónico
IG200D - Axudas do Igape a establecementos hoteleiros para a adquisición de materias para a reforma de establecementos (Reforma-Tur).
Convocatoria 2019
Prazo pechado: 28/02/2019 00:00 - 30/05/2019 23:59
Prazo pechado: 28/02/2019 00:00 - 30/05/2019 23:59Obxecto
As presentes bases teñen por obxecto aprobar as condicións polas cales se rexerá a concesión de axudas por parte do Igape destinadas a incentivar a adquisición de materiais para a reforma de establecementos hoteleiros en Galicia, co fin de incrementar e incentivar a compra e tratar de repercutir con ela nos sectores industriais, comerciais e turísticos galegos (Procedemento IG200D), así como para a selección de entidades colaboradoras que participan na súa xestión (Procedemento IG200C).
A quen vai dirixido?
Poderán ser beneficiarios destas axudas os titulares de:
a) Establecementos hoteleiros cun máximo de 40 habitacións, definidos no Capítulo II, artigo 4 (concepto de hoteis), artigo 6 (concepto de hoteis balneario) e artigo 7 (hotel talaso) do Decreto 57/2016 de 12 de maio situados na Comunidade Autónoma de Galicia.
b) Os establecementos de Turismo Rural segundo o Decreto 191/2004 de 29 de xullo situados no Camiño de Santiago.
c) Os albergues privados situados no Camiño de Santiago.
Requisitos
- Os establecementos deben estar autorizados ou clasificados conforme estableza a normativa turística no Rexistro de Empresas e Actividades Turísticas da Xunta de Galicia (REAT), cunha antigüidade no exercicio da actividade no establecemento para o que se solicita a subvención non inferior a cinco anos á data de publicación da convocatoria de axuda.
- Os beneficiarios deben adquirir os bens subvencionables descritos no artigo 3.1.d) nunha entidade colaboradora adherida ao Programa Reforma-Tur19 e instalalos no seu establecemento no prazo indicado no artigo 3.
- Os beneficiarios deberán estar ao día das súas obrigas coa Facenda pública estatal, coa Comunidade Autónoma de Galicia e coa Seguridade Social e non ser considerados empresas en crise. Para estes efectos de empresa en crise, convén ter en conta a definición de empresa en crise que para as pemes aparece no número 18 do artigo 2 do Regulamento (UE) nº 651/2014 da Comisión.
- Tamén deberán cumprir os requisitos establecidos no artigo 10 da Lei 9/2007, de subvencións de Galicia, para ser beneficiario da axuda, e cumprir as obrigas do artigo 11 da citada Lei de subvencións.
- Os provedores (entidades colaboradoras) non poderán estar vinculados (segundo os termos recollidos non artigo 3.3 do Anexo I ao Regulamento (UE) 651/2014) co beneficiario da axuda nin cos seus órganos directivos ou xestores.
Os beneficiarios obríganse a facilitar canta información lles sexa requirida polo Igape no exercicio das súas funcións de fiscalización do destino das axudas.
Mediante a presentación da solicitude os beneficiarios aceptan a tramitación a través da entidade colaboradora, que será así mesmo a encargada de informar puntualmente ao interesado sobre o estado da súa petición, os dereitos e obrigas da mesma, e das notificacións recibidas de acordo co establecido no artigo 15.2.
A onde acudir
Xunta de Galicia
Vicepresidencia Primeira e Consellería de Economía, Industria e Innovación
Instituto Galego de Promoción Económica – IGAPE
Complexo Administrativo San Lázaro s/n
15703 Santiago de Compostela (Coruña, A)
Teléfono: 900815151
Email: informa@igape.es
Órgano responsable
Instituto Galego de Promoción Económica – IGAPE
Normativa
Ámbito Autonómico
Resolución do 20 de decembro de 2018 pola que se lle dá publicidade ao acordo do Consello de Dirección que aproba as bases reguladoras para a concesión de axudas, en réxime de concorrencia non competitiva, a establecementos hoteleiros para a adquisición de materiais para a reforma dos establecementos (Reforma-Tur 19), así como a selección de entidades colaboradoras que participarán na súa xestión, e se procede á súa convocatoria (DOG nº 19 do 28 de xaneiro de 2019).
Extracto da Resolución do 20 de decembro de 2018 pola que se lle dá publicidade ao acordo do Consello de Dirección que aproba as bases reguladoras para a concesión de axudas, en réxime de concorrencia non competitiva, a establecementos hoteleiros para a adquisición de materiais para a reforma dos establecementos (Reforma-Tur 19), así como a selección de entidades colaboradoras que participarán na súa xestión, e se procede á súa convocatoria. (DOG nº 19 do 28 de xaneiro de 2019).
Corrección de erros. Resolución do 20 de decembro de 2018 pola que se lle dá publicidade ao acordo do Consello de Dirección que aproba as bases reguladoras para a concesión de axudas, en réxime de concorrencia non competitiva, a establecementos hoteleiros para a adquisición de materiais para a reforma dos establecementos (Reforma-Tur 19), así como a selección de entidades colaboradoras que participarán na súa xestión, e se procede á súa convocatoria (DOG nº 40 del 26 de febreiro de 2019).
Corrección de erros. Extracto da Resolución do 20 de decembro de 2018 pola que se lle dá publicidade ao acordo do Consello de Dirección que aproba as bases reguladoras para a concesión de axudas, en réxime de concorrencia non competitiva, a establecementos hoteleiros para a adquisición de materiais para a reforma dos establecementos (Reforma-Tur 19), así como a selección de entidades colaboradoras que participarán na súa xestión, e se procede á súa convocatoria (DOG nº 40 do 26 de febreiro de 2019).
Resolución do 22 de marzo de 2019 pola que se modifica a Resolución do 20 de decembro de 2018 pola que se dá publicidade do acordo do Consello de Dirección que aproba as bases reguladoras para a concesión de axudas, en réxime de concorrencia non competitiva, a establecementos hoteleiros para a adquisición de materiais para a reforma dos establecementos (Reforma-Tur 19), así como a selección de entidades colaboradoras que participarán na súa xestión, e se procede á súa convocatoria (DOG nº 60 do 27 de marzo de 2019).
Extracto da Resolución do 22 de marzo de 2019 pola que se modifica a Resolución do 20 de decembro de 2018 pola que se dá publicidade do acordo do Consello de Dirección que aproba as bases reguladoras para a concesión de axudas, en réxime de concorrencia non competitiva, a establecementos hoteleiros para a adquisición de materiais para a reforma dos establecementos (Reforma-Tur 19), así como a selección de entidades colaboradoras que participarán na súa xestión, e se procede á súa convocatoria (DOG nº 60 do 27 de marzo de 2019).
Prazo
Prazo de presentación: PECHADO
28/02/2019 00:00 - 30/05/2019 23:59
Segundo a Resolución do 22 de marzo de 2019 (DOG nº 60 do 27 de marzo de 2019), o prazo de presentación de solicitudes de axuda amplíase ata o 30 de maio de 2019, agás que se produza o suposto de esgotamento de crédito. Neste caso informarase do peche adiantado do prazo de solicitude a través da páxina web do Igape e no Diario Oficial de Galicia (procedemento do Igape co código IG259).
Documentación para a presentación
- Solicitude segundo o Anexo II.
- Acreditación, por calquera título válido en dereito, da titularidade do establecemento hoteleiro por parte da persoa solicitante da axuda.
- Factura xustificativa, que reflicta con claridade os seguintes datos:
- 1º. Data de emisión
- 2º. Nome ou razón social e NIF da persoa beneficiaria.
- 3º. Descricións dos bens acorde coa solicitude
- 4º. Importe neto dos bens
- 5º. Desconto do Programa Reforma-Tur 19, do comercio, calculado como o 25% do importe neto total. Na factura debe figurar o importe do Desconto, debe aplicarse a detracción ao importe neto total e debe constar seguinte literal: “ Programa Reforma-Tur 19 : 25% de desconto da entidade colaboradora”
- 6º. Base impoñible
- 7º. IVE e total da base impoñible máis IVE
- 8º. Axuda do Programa Reforma-Tur 19, do Igape, polo mesmo importe que o desconto. Na factura debe figurar o importe da Axuda, aplicarse a detracción a Base impoñible+IVE e constar o seguinte literal: “ Programa Reforma-Tur 19: Axuda do Igape como cesión de crédito da persoa beneficiaria á entidade colaboradora”.
- 9º. Total que ten que pagar a persoa beneficiaria (a persoa beneficiaria ten que pagar o total IVE incluído menos a axuda do Igape).
- Xustificante bancario do pagamento
- Escritura ou documento xuridicamente válido de constitución da entidade solicitante e de nomeamento da persoa representante legal e estatutos debidamente inscritos no rexistro competente e modificacións posteriores destes.
- Comprobación de datos.
Os documentos relacionados serán oxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
- DNI/NIE da persoa solicitante o
- DNI/NIE da persoa representante o
- NIF da entidade representante o
- NIF da entidade solicitante o
- Información do Rexistro de Empresas e Actividades Turísticas relativa á titularidade do establecemento e cumprimento dos requisitos de persoa beneficiaria.
- Certificado da AEAT de alta no Imposto de actividades económicas (IAE) da entidade solicitante o
- Certificado de estar ao corrente das obrigas tributarias coa AEAT o
- Certificado de estar ao corrente de pago coa Seguridade Social o
- Certificado de estar ao corrente de pago coa Consellería de Facenda
Resolución
Prazo de resolución: 30 días hábiles contados desde a data da solicitude na aplicación informática.
Sentido do silencio: Negativo
Procedementos e servizos relacionados
Aberto todo o ano 28/09/2017 00:00 - 27/10/2017 23:59 11/10/2017 00:00 - 07/12/2017 23:59 29/01/2019 00:00 - 30/04/2019 23:59 
Aberto todo o ano Aberto todo o ano