Guía de procedementos e servizos

ED002A

Intercambios provisionais de prazas do persoal docente que imparte as ensinanzas reguladas na Lei orgánica 2/2006, do 3 de maio, en centros dependentes da Consellería de Cultura, Educación e Ordenación Universitaria.

Procedemento dirixido a: Empresas e profesionais

Prazo pechado: 01/09/2026 00:00 - 04/09/2026 23:59

Consellería de Educación, Ciencia, Universidades e Formación Profesional

Que é e para que serve

A presente orde ten por obxecto regular o intercambio provisional de prazas entre o persoal funcionario docente e o persoal laboral dependente da Consellería de Cultura, Educación e Ordenación Universitaria, que imparte as ensinanzas reguladas na Lei orgánica 2/2006, do 3 de maio, de educación.

Quen pode solicitalo

Poderán solicitar o intercambio provisional de prazas dúas ou máis persoas funcionarias de carreira, en prácticas ou interinas, en servizo activo dos corpos docentes que imparten as ensinanzas reguladas na Lei orgánica 2/2006, do 3 de maio, de educación.

Requisitos

a) Que pertenzan ao mesmo corpo.

b) Que a praza corresponda a mesma especialidade.

c) Que vaian desempeñar a súa función docente no centro educativo durante o curso académico para o que se solicita o intercambio provisional.

Non poderá concederse un intercambio provisional de postos de traballo ao persoal funcionario docente que desempeñe o posto de traballo en réxime de comisión de servizos.

Para os efectos deste artigo, considérase o mesmo corpo:

a) O corpo de catedráticos/as de ensino secundario e o corpo de profesores/as de ensino secundario.

b) O corpo de catedráticos/as de escolas oficiais de idiomas e o corpo de profesores/as de escolas oficiais de idiomas.

c) O corpo de catedráticos/as de artes plásticas e deseño e os profesores/as de artes plásticas e deseño.

Cando se pode solicitar

Prazo de presentación: PECHADO

15/07/2020 00:00 - 31/07/2020 23:59

03/08/2020 00:00 - 14/08/2020 23:59

02/09/2020 00:00 - 07/09/2020 23:59

21/09/2020 00:00 - 24/09/2020 23:59

15/07/2021 00:00 - 02/08/2021 23:59

04/08/2021 00:00 - 17/08/2021 23:59

02/09/2021 00:00 - 07/09/2021 23:59

10/09/2021 00:00 - 15/09/2021 23:59

15/07/2022 00:00 - 01/08/2022 23:59

03/08/2022 00:00 - 17/08/2022 23:59

02/09/2022 00:00 - 07/09/2022 23:59

15/07/2023 00:00 - 31/07/2023 23:59

03/08/2023 00:00 - 17/08/2023 23:59

01/09/2023 00:00 - 06/09/2023 23:59

15/07/2024 00:00 - 31/07/2024 23:59

03/08/2024 00:00 - 19/08/2024 23:59

01/09/2024 00:00 - 05/09/2024 23:59

15/07/2025 00:00 - 31/07/2025 23:59

04/08/2025 00:00 - 18/08/2025 23:59

01/09/2025 00:00 - 04/09/2025 23:59

15/07/2026 00:00 - 31/07/2026 23:59

04/08/2026 00:00 - 17/08/2026 23:59

01/09/2026 00:00 - 04/09/2026 23:59

Procédese á apertura do prazo para as persoas obrigadas a participar no concurso de adxudicación de destinos provisionais para o curso 2026/27 do 4 ao 17 de agosto e do 1 ao 4 de setembro.



De acordo co establecido no artigo 4.1 da Orde do 4 de xullo de 2019 pola que se modifica a Orde do 17 de xuño de 2017 pola que se regulan os intercambios provisionais de prazas do persoal docente que imparte as ensinanzas reguladas na Lei orgánica 2/2006, do 3 de maio, en centros dependentes desta consellería (código de procedemento ED002A) (Diario Oficial de Galicia número 124, do 30 de xuño):



"Artigo 4. Prazo de presentación de solicitudes



1. Cando a publicación da resolución de adxudicación definitiva de destinos provisionais na páxina web da Consellería de Educación, Universidade e Formación Profesional, http://www.edu.xunta.gal para o curso académico correspondente sexa con anterioridade ao día 15 de agosto, as persoas obrigadas a participar no dito concurso poderán optar por un dos seguintes prazos:







a) Dez (10) días hábiles desde o día seguinte ao da publicación da resolución de adxudicación definitiva de destinos provisionais na páxina web da consellería.



b) Catro (4) días hábiles desde o día 1 de setembro. A resolución de autorización de intercambio provisional de praza terá efectos administrativos da data en que se dite e efectos económicos do día 1 de outubro. Neste segundo prazo soamente poderán formular solicitude de intercambio provisional de praza as persoas que non participasen no prazo establecido no parágrafo anterior."


Como se tramita

Esta solicitude débese presentar por internet a través da sede electrónica. 

Tramitar en liña

A solicitude débela presentar electronicamente a través do botón “Tramitar en liña” dispoñible nesta páxina. 

Para presentar a solicitude en liña: 

  • Pulsa o botón «Tramitar en liña» desta páxina.
  • Identifícate electronicamente.
  • Firma a solicitude cun sistema de sinatura electrónica admitido.

Podes consultar os sistemas de identificación e firma admitidos na sede electrónica da Xunta de Galicia na seguinte ligazón. 

Que documentación hai que presentar

A documentación que debes presentar depende do tipo de solicitude que realices.

A Administración poderá comprobar automaticamente algúns datos necesarios para a tramitación.

Se non pode comprobalos, indicarémosche que documentos debes achegar.

Nalgúns casos, terás que completar e presentar formularios adicionais, chamados anexos.

Podes descargalos desde a ligazón que aparece xunto ao nome de cada formulario.

Documentación

  • As solicitudes presentaranse obrigatoriamente por medios electrónicos, a través do modelo oficial de solicitude segundo o anexo I que estará dispoñible na sede electrónica da Xunta de Galicia (https://sede.xunta.gal/).

Se algunha das persoas interesadas presenta a súa solicitude presencialmente, requiríraselle para que a emende a través da súa presentación electrónica. Para estes efectos, considerarase como data da presentación da solicitude aquela na que fose realizada a emenda.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

  • Non deberá presentarse ningunha documentación complementaria para a tramitación deste procedemento.

  • Cada unha das persoas interesadas en solicitar o intercambio provisional da praza terá que cubrir unha solicitude.

Na solicitude deberán constar os datos da persoa coa que queira solicitar o intercambio de praza, de xeito que haberá tantas solicitudes como persoas interesadas en intercambiar a praza.

Anexos

Que vai pasar despois de que o presente

Canto tempo ten a Administración para resolver a solicitude?

Tres meses

Que ocorre se non recibes resposta?

Se pasa o prazo establecido para resolver e non recibes unha resposta expresa, a túa solicitude considérase estimada por silencio administrativo. 

Isto significa que a solicitude se considera aprobada. 

A Administración segue estando obrigada a resolver a túa solicitude aínda que transcorra este prazo, pero a resolución xa só poderá ser estimatoria (aprobando a túa solicitude). 

Como recibirás a resposta da Administración?

A Xunta de Galicia comunicarache a resposta á túa solicitude mediante unha notificación é dicir, unha comunicación oficial coa resolución da solicitude.

Nalgúns casos, a notificación individual substitúese ou compleméntase coa publicación da resolución no Diario Oficial de Galicia e na páxina web correspondente.

Esta publicación ten a mesma validez legal que unha notificación individual.

Como podes consultar ou realizar trámites despois de presentar a solicitude?

Unha vez que presentes a solicitude e se inicie o expediente (conxunto de documentos e actuacións relacionados coa túa solicitude), podes realizar trámites electrónicos a través da Carpeta cidadá (espazo privado onde podes consultar as túas xestións coa Administración) na sede electrónica da Xunta de Galicia.

Desde a Carpeta cidadá podes:

  • Consultar o estado do teu expediente.
  • Acceder á documentación.
  • Realizar os trámites que estean dispoñibles.


Se non estás obrigado a relacionarte electronicamente coa Administración, tamén podes realizar estes trámites de xeito presencial nas oficinas de asistencia en materia de rexistro (oficinas onde podes presentar documentos e recibir axuda para os teus trámites). 

Podes consultar a localización destas oficinas en: 

https://012.xunta.gal/servizos-destacados/oficinas-de-atencion 

Nestas oficinas non é necesario solicitar cita previa. 

Se desexas garantir a túa atención nunha hora determinada, solicita cita previa en: 

https://012.xunta.gal/servizos-destacados/cita-previa

Onde obter máis información

Podes obter máis información chamando ao teléfono 012 ou ao 981 900 643, servizo de información da Xunta de Galicia.

Xunta de Galicia

Consellería de Educación, Ciencia, Universidades e Formación Profesional

Dirección Xeral de Centros e Recursos Humanos

Subdirección Xeral de Recursos Humanos

Edificio Administrativo San Caetano s/n

15781  Santiago de Compostela  (Coruña, A)

Teléfono: 981544482/ 981957910

Email: persoal.primaria@edu.xunta.es / persoal.secundaria@edu.xunta.es

Órgano responsable

Dirección Xeral de Centros e Recursos Humanos
Normativa
    Ámbito Autonómico
    • Orde do 17 xuño de 2017 pola que se regulan os intercambios provisionais de prazas do persoal docente que imparte as ensinanzas reguladas na Lei orgánica 2/2006, do 3 de maio, de educación, en centros dependentes desta consellería (DOG nº 124 do 30 de xuño de 2017) Ligazón á normativa

    • Corrección de erros. Orde do 17 de xuño de 2017 pola que se regulan os intercambios provisionais de prazas do persoal docente que imparte as ensinanzas reguladas na Lei orgánica 2/2006, do 3 de maio, de educación, en centros dependentes desta consellería (DOG nº 130 do 10 de xullo de 2017). Ligazón á normativa

    • Orde do 4 de xullo de 2019 pola que se modifica a Orde do 17 de xuño de 2017 pola que se regulan os intercambios provisionais de prazas do persoal docente que imparte as ensinanzas reguladas na Lei orgánica 2/2006, do 3 de maio, en centros dependentes desta consellería (código de procedemento ED002A) (Diario Oficial de Galicia número 124, do 30 de xuño) (DOG nº 131 do 11 de xullo de 2019). Ligazón á normativa

Descargar o contido desta ficha en formato PDF

Outros procedementos relacionados

ED003A

Inclusión nas listas de interinidades e substitucións para impartir docencia en determinadas especialidades.

Tramitar en liña

Prazo aberto: 12/11/2026 00:00 - 18/11/2026 23:59

ED012A

Participación no concurso xeral de traslados dos corpos de persoal docente non universitario dependente da Consellería competente en materia de educación.

Prazo aberto: 05/11/2026 00:00 - 26/11/2026 23:59

ED001A

Procedementos selectivos de acceso, ingreso e de adquisición de novas especialidades dos corpos docentes non universitarios da Comunidade Autónoma de Galicia.

Prazo pechado: 24/02/2026 00:00 - 16/03/2026 23:59

ED001B

Procedementos selectivos extraordinarios de estabilización para o ingreso mediante concurso de méritos a corpos de persoal docente non universitario da Comunidade Autónoma de Galicia.

Prazo pechado: 31/10/2022 00:00 - 21/11/2022 23:59