Orientámolo/a, paso a paso, para presentar unha solicitude no rexistro electrónico
BS660A - Recoñecemento da condición de usuario/a do servizo galego de apoio á mobilidade persoal
Aberto todo o ano Obxecto
Este decreto ten por obxecto a regulación do Servizo Galego de Apoio á Mobilidade Persoal para persoas con discapacidade e/ou persoas en situación de dependencia (SGAMP) que teñan recoñecida a imposibilidade de utilización de transporte público colectivo motivada pola súa situación de discapacidade ou dependencia, a definición da súa natureza e características, así como a determinación dos requisitos e do procedemento que permitan o acceso a prestación do servizo.
O ámbito de aplicación do presente decreto é o territorio da Comunidade Autónoma de Galicia.
O servizo regulado na presente disposición ten como finalidade:
a) Poñer á disposición das persoas con discapacidade e/ou persoas en situación de dependencia que teñan recoñecida a imposibilidade de utilizar o transporte público colectivo, un transporte axeitado para facilitarlles a súa mobilidade.
b) Favorecer o acceso, en condicións de igualdade efectiva, ás persoas con discapacidade e/ou ás persoas en situación de dependencia aos servizos e recursos que faciliten a promoción da súa autonomía persoal así como a súa participación no contorno habitual.
A quen vai dirixido?
Persoas residentes en Galicia.
As obrigas do/a usuario/a serán as seguintes:
1. Colaborar coa administración para garantir unha axeitada e eficaz prestación do servizo, e de xeito fundamental cumprir cos prazos que regulamentariamente se establezan ao respecto das comunicacións de anulacións de servizos solicitados e confirmados.
2. Facilitarlles aos órganos competentes toda a información que resulte necesaria para asegurar o cumprimento da finalidade da prestación e a continuidade das condicións de acceso ao servizo así como comunicar os cambios de circunstancias familiares ou sociais que puidesen resultar relevantes na asignación, modificación, suspensión ou extinción do servizo.
Requisitos
a) Ter recoñecida a imposibilidade de utilización de transporte público colectivo, motivada pola súa situación de dependencia ou discapacidade. A imposibilidade de utilización do transporte público colectivo determinarase aplicando os criterios establecidos no Anexo 2 do Real Decreto 1971/1999, do 23 de decembro, de procedemento para o recoñecemento, declaración e cualificación do grao de discapacidade.
b) Ter recoñecida a situación de dependencia en calquera dos seus graos conforme a normativa que sexa de aplicación ou ter recoñecido, conforme a normativa aplicable, un grao de discapacidade igual o superior ao 75%.
Excepcionalmente poderán obter a condición de persoa usuaria aquelas persoas que teñan un grao de discapacidade igual ou superior ao 33% e inferior ao 75%, sempre que se acredite a concorrencia de circunstancias que aconsellen o uso de transporte adaptado e así conste no informe social unificado.
A onde acudir
Xunta de Galicia
Consellería de Política Social e Igualdade
Dirección Territorial da Consellería de Política Social e Igualdade da Coruña
Servizo de Dependencia e Autonomía Persoal da Coruña
R/Concepción Arenal, 7-9
15006 Coruña, A (Coruña, A)
Teléfono: 881881504
Fax: 981881506
Xunta de Galicia
Consellería de Política Social e Igualdade
Dirección Territorial da Consellería de Política Social e Igualdade de Lugo
Servizo de Dependencia e Autonomía Persoal de Lugo
R/ Serra de Ancares, 68 baixo
27003 Lugo (Lugo)
Teléfono: 982294427
Fax: 982889162
Xunta de Galicia
Consellería de Política Social e Igualdade
Dirección Territorial da Consellería de Política Social e Igualdade de Ourense
Servizo de Dependencia e Autonomía Persoal de Ourense
R/ Sáenz Díez, nº 33
32003 Ourense (Ourense)
Teléfono: 988386199
Fax: 988386159
Xunta de Galicia
Consellería de Política Social e Igualdade
Dirección Territorial da Consellería de Política Social e Igualdade de Vigo
Servizo de Dependencia e Autonomía Persoal de Vigo
Praza da Estrela, s/n - 3º Andar
36201 Vigo (Pontevedra)
Teléfono: 986817217
Fax: 986817637
Órgano responsable
Secretaría Xeral Técnica da Consellería de Política Social e Igualdade
Normativa
Ámbito Autonómico
Decreto 99/2014, do 24 de xullo, polo que se regula o Servizo Galego de Apoio á Mobilidade Persoal para persoas con discapacidade e/ou persoas en situación de dependencia (DOG nº 149 do 7 de agosto de 2014).
Prazo
Prazo de presentación: Aberto todo o ano
Documentación para a presentación
As solicitudes, que poderán presentarse en calquera momento, formalizaranse no modelo normalizado do anexo I desta norma e dirixiranse á xefatura territorial da consellería con competencia en materia de atención ás persoas con discapacidade e ás persoas en situación de dependencia, correspondente á provincia na cal a persoa solicitante teña a súa residencia, acompañada da seguinte documentación:
-
Copia do libro de familia, cando a persoa solicitante sexa menor de idade e non posúa DNI.
-
No seu caso, certificado do recoñecemento do grao de discapacidade e/ou do grao e nivel de dependencia cando sexa expedido por outra comunidade autónoma.
COMPROBACIÓN DE DATOS
Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.
-
DNI o NIE da persoa solicitante
-
DNI o NIE da persoa representante
-
Título de familia numerosa
-
Certificado de discapacidade
Resolución
Prazo de resolución:
Cinco meses
Sentido do silencio:
Negativo
Procedementos e servizos relacionados
Aberto todo o ano BS210A
Recoñecemento da situación de dependencia e do dereito ás prestacións do sistema para a autonomía e atención á dependencia na comunidade autónoma de Galicia.
Aberto todo o ano BS611A
Recoñecemento do grao de discapacidade.