Se vostede é armador ou propietario dun buque que teña o seu porto base na Comunidade Autónoma de Galicia, incluído nas listas 3ª e 4ª do Rexistro de Matrícula de Buques, ten a obriga de instar a inscrición no Rexistro de Buques da Comunidade Autónoma de Galicia.

Así mesmo, se xa ten inscrito o buque no Rexistro, e se producen variacións nos datos que constan no mesmo, debe comunicar e acreditar ditos cambios.

Armadores ou propietarios de buques incluídos nas listas 3ª e 4ª do R.M.B. que teñan o seu porto base na Comunidade Autónoma de Galicia.

Para a efectiva inscrición no rexistro, o buque terá que cumpri-los seguintes requisitos:

a) Estar en posesión do permiso de expolotación.

b) Que o buque estea dado de alta no Censo da Flota Pesqueira Operativa.

c) Que non se trate dunha embarcación irregular.

d) Que teña o seu porto base na Comunidade Autónoma de Galicia.

• Solicitude segundo o Anexo I. 

• Copia do DNI ou NIE da persoa solicitante, só no caso de non autorizar a súa consulta no Sistema de verificación de datos de identidade.

• No suposto de varias persoas copropietarias, copia do DNI ou NIE de cada unha delas, só no caso de non autorizar a súa consulta no Sistema de verificación de datos de identidade no Anexo II.

• No caso de pluralidade de persoas físicas solicitantes que teñen constituída unha Sociedade Civil ou Comunidade de Bens, deberase presentar unha declaración responsable coa porcentaxe da participación de cada un dos membros, e copia da escritura de constitución.

• Certificado de navegabilidade e arqueo GT.

• Documento acreditativo da inscrición no Rexistro Mercantil actualizada ou certificación acreditativa desa inscrición.

• Folla de asento do buque actualizada.

• Rol de despachos relativo aos dous últimos anos cando non se trate de buques novos.

• Abono de taxa por inscrición/modificación en rexistros oficiais

Prazo de resolución: Non especificado

Sentido do silencio: Non consta