Se vostede quere poñer en funcionamento e explotación un establecemento de cultivos mariños ou auxiliar, na zona terrestre, debe solicitarlle á Xunta de Galicia que lle outorgue a licencia necesaria para iso.

Persoas físicas ou representantes dunha persoa xurídica legalmente constituída.

Prazo de presentación: ABERTO

No caso de que o establecemento precise da ocupación de dominio público marítimo-terrestre, ou da autorización de verteduras, esixirase documentación específica.

• Solicitude segundo o Anexo I.

• 1. Permiso de actividade na parte litoral da zona terrestre, ou a súa modificación substancial:

  • No suposto de cotitularidades, Anexo II.

  • Abono da taxa administrativa.

  • Copia da escritura acreditativa de la constitución de la sociedade inscrita no rexistro mercantil.

  • Copia dos estatutos polos que se rexe.

  • Documentación que acredite a titularidade dos terreos. Se a persoa solicitante non fose o titular deles, deberá achegar a documentación que acredite o réxime de ocupación dos mesmos e na que se inclúa a autorización expresa da persoa titular para instalar o establecemento e dedicalo á actividade acuícola solicitada durante, como mínimo, o período de vixencia do título administrativo habilitante.

  • Proxecto do establecemento, subscrito por técnico competente, que incluirá planos, información fotográfica da zona e orzamento das obras que se van realizar.

  • Estudio económico-financeiro para o período de vixencia da explotación previsto na solicitude, subscrito por técnico competente, que analice a rendibilidade da explotación con base en dous escenarios económicos, á alta e á baixa, e desenvolva a evolución previsible da explotación.

  • Memoria técnico-biolóxica asinada por técnico competente que, como mínimo, incluirá unha descrición detallada da actividade que se vai desenvolver, especies obxecto de explotación e circulación hidráulica.

  • Acreditación da dispoñibilidade da capacidade técnica axeitada ós requirimentos do establecemento de que se trate.

  • Informe do órgano ambiental no que se sinale o tipo de trámite ambiental ó que se someterá o proxecto.

• No caso de que o establecemento precise da ocupación de dominio público marítimo-terrestre, ademais da documentación requirida nos puntos anteriores, esixirase a que se relaciona a seguir:

  • Plano 1/1000 no que se represente a liña de deslinde e a superficie de dominio público marítimo-terrestre que se vai ocupar.

  • Plano de planta e carta náutica ou outra representación cartográfica, con coordenadas e batimetría.

  • Certificación catastral correspondente aos terreos lindeiros.

  • Xustificante acreditativo de constitución, ante a consellería competente en materia de acuicultura, da fianza ou garantía provisional correspondente ao 2% das obras para realizar, é o caso, no dominio público marítimo-terrestre, segundo o artigo 88.1º da Lei 22/1988, do 28 de xullo, de costas, no caso de non autorizar a súa consulta.

• No suposto de que o establecemento precise da autorización de verteduras, ademais da documentación requirida nos puntos anteriores, esixirase a que se relaciona a seguir:

  • Volumes de auga consumidos e verteduras.

  • Punto de vertedura (coordenadas UTM).

  • Características analíticas da vertedura.

  • Proxecto técnico das instalacións de tratamento da vertedura.

• 2. Permiso de actividade na parte interior da zona terrestre:

  • No suposto de cotitularidades, Anexo II.

  • Abono da taxa administrativa.

  • Copia da escritura acreditativa de la constitución de la sociedade inscrita no rexistro mercantil.

  • Copia dos estatutos polos que se rexe.

  • Concesión de aproveitamento hidráulico outorgada polo organismo competente.

  • Proxecto, asinado por técnicos competentes, no que figurarán os seguintes documentos:

    • a) Datos de identificación do promotor e das instalacións.

    • b) Planos de situación a escalas 1:50.000 e 1:10.000. c) Descrición detallada das obras e instalacións, incluíndo planos e demais documentos que faciliten a súa interpretación.

    • d) Estudio do réxime natural de caudais.

    • e) Caudal de concesión e procedencia das augas.

    • f) Memoria biolóxica na que, como mínimo, se detallará:

      • f.1) Caudais ecolóxicos.

      • f.2) Estudio de temperaturas.

      • f.3) Xustificación da elección da especie ou especies cultivables.

      • f.4) Carga instantánea.

      • f.5) Sistema de cultivo.

      • f.6) Produción por meses.

      • f.7) Tratamento de augas residuais.

  • Estudio de avaliación de efectos ambientais que se realizará, conforme ao disposto na Lei 2/2013 do 9 de decembro de avaliación ambiental e na Lei 9/2013 do 19 de decembro do emprendemento e da competitividade económica de Galicia.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

• Certificado de estar ao día do pagamento de obrigas tributarias coa AEAT.

• Certificado de estar ao día do pagamento coa Seguridade Social.

• Certificado de estar ao día do pagamento de obrigas tributarias coa Atriga.

• Consulta do xustificante acreditativo de constitución, ante a consellería competente en materia de acuicultura, da fianza ou garantía provisional correspondente.

Prazo de resolución: Seis meses

Sentido do silencio: Negativo