A finalidade do RVG é a seguinte:

a) Xestión técnico-administrativa das explotacións vitícolas.

b) Seguimento e control da evolución do potencial de produción vitícola.

c) Base de datos para as estatísticas oficiais nesta materia, en particular para o inventario do potencial vitícola de Galicia.

As disposicións contidas neste decreto son necesarias para o seguimento da evolución do potencial produtivo e serán de aplicación unicamente ás plantacións destinadas á produción de uva de vinificación e ao cultivo de viñas nais de enxertos no territorio galego.

• Solicitude normalizada segundo o Anexo I do Decreto.

• Fotocopia do DNI/NIF da persoa viticultora solicitante e da propietaria das parcelas se non son a mesma persoa, só no caso de non dar consentimento á verificación dos seu datos no SVDI.

• Plano ou bosquexo cotado do SIXPAC onde se aprecie con exactitude a superficie da parcela ou recinto de viñedo obxecto da solicitude, só cando non coincida con recintos completos do SIXPAC.

• No caso de alta de parcelas vitícolas ou transmisión da súa titularidade:

  - Documento público

  - Documento privado liquidado de impostos

  - Dereito de uso e disposición sobre o cultivo da vide

• No caso de modificación da superficie vitícola:

  - Certificación descritiva e gráfica emitida pola xerencia territorial do catastro, cando a modificación da superficie afecte a totalidade da parcela catastral.

• No caso de modificación da data do ano de plantación:

  - Documentación acreditativa da antigüidade do viñedo con base nun informe emitido por tecnico competente, enxeñeiro tecnico agrícola ou enxeñeiro agrónomo.

• No caso de modificación das variedades:

  Informe emitido por tecnico competente, enxeñeiro tecnico agrícola ou enxeñeiro agrónomo.

  Outra documentación (especificar).

Prazo de resolución: 6 meses

Sentido do silencio: Positivo