Esta resolución regula os períodos hábiles de caza, as especies sobre as que se poderá exercer, os métodos autorizados para a súa práctica e as limitacións xerais ou particulares que afectarán ao exercicio da actividade cinexética no territorio da Comunidade Autónoma de Galicia durante a tempada 2019/2020, que abrangue o período comprendido entre o 1 de agosto de 2019 e o 31 de xullo do ano 2020.

A comunicación previa das cazarías que se realicen baixo as modalidades de batida, montaría, espera e axexo, realizárase ante a correspondente xefatura territorial da Consellería de Medio Ambiente, Territorio e Vivenda , para o cal deben presentar o modelo de comunicación segundo o anexo IX desta resolución.

Persoa física e xurídica.

• Comunicación segundo o Anexo IX, acompañada da seguinte documentación:

  • Comunicación previa das cazarías baixo a modalidade que se pretende practicar, segundo os modelos obtidos da páxina web da Consellería de Medio Ambiente, Territorio e Vivenda.

  • Documento acreditativo da representación por calquera medio válido en dereito, de ser o caso.

• As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal

• Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

• A sede electrónica da Xunta de Galicia permite as persoas interesadas realizar trámites electrónicos, con posterioridade ao inicio do expediente, accedendo á Carpeta do cidadán da persoa interesada. Cando as persoas interesadas non resulten obrigadas á presentación electrónica das solicitudes tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa comunicante.

• DNI/NIE da persoa representante.

• NIF da entidade comunicante.