1. Esta resolución ten por obxecto aprobar as bases polas que se rexerá a concesión de axudas ao abeiro da RIS3 Galicia no marco do programa operativo Feder Galicia 2014-2020 orientadas:

a) Ao fomento da participación galega de calidade no Programa marco de investigación e innovación da Unión Europea (en diante, Programa marco).

b) Á coordinación estratéxica entre ambas as fontes de financiamento, apoiando propostas presentadas a convocatorias do instrumento peme do Programa marco, ou a accións do Consello Europeo de Innovación (CEI) que lle dean continuidade, cunha excelente avaliación pero que non puideron ser financiadas por insuficiencia de crédito.

O obxectivo de ambas as medidas é a mellora da competitividade do Sistema galego de innovación.

2. Estas axudas convocaranse, en réxime de concorrencia non competitiva, de xeito anual ata o ano 2022, establecéndose no seu articulado todas aquelas particularidades non contidas nestas bases que se consideren precisas.

No anexo I recóllense ademais unha serie de definicións que serán de aplicación nestas convocatorias.

Pemes e organismos de investigación e difusión.

- No caso da liña 1, non poderán ser beneficiarias aquelas entidades que, pola actividade que desenvolvan ou o sector a que pertenzan, se atopen entre as excepcións recollidas no artigo 1.1 do Regulamento (UE) 1407/2013 relativo ás axudas de minimis.

- Non poderán acceder á condición de beneficiarias as persoas ou entidades en que concorra algunha das prohibicións recollidas no artigo 10 da Lei 9/2007, nin tampouco as empresas en crise, nin aquelas que están suxeitas a unha orde de recuperación pendente tras unha decisión previa da Comisión Europea que teña declarado unha axuda ilegal e incompatible co mercado común.

• Solicitude segundo o Anexo I.

• Documentación Xurídico-Administrativa:

  • Modelo de autorización das persoas socias mancomunadas (anexo IV).

  • Modelo de comprobación de datos das persoas socias mancomunadas (anexo V).

  • Declaración responsable da categoría de empresa (peme) (anexo IX), se é o caso.

  • Poder da persoa representante que presenta a solicitude, inscrito no rexistro competente, verificado por letrado/a da Xunta de Galicia, no caso de apoderados/as de entidades mercantís distintos de administración única, administración solidaria ou mancomunada, ou tamén o cargo de conselleiro/a delegado/a.

• Documentación Técnico-Económica:

  • Copia da proposta presentada ao Programa Marco de Investigación e Innovación.

  • Informe resumido da avaliación internacional.

  • Memoria de actuación na que se detallen as actividades a realizar e se xustifiquen todos os conceptos de gasto solicitados.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos:

• NIF da entidade solicitante.

• DNI/NIE da persoa representante.

• NIF da entidade solicitante.

• Estar ao día no cumprimento das obrigas coa Axencia Estatal da Administración Tributaria.

• Estar ao día no cumprimento das obrigas coa Tesourería Xeral da Seguridade Social.

• Estar ao día no cumprimento das obrigas coa Facenda da Xunta de Galicia.

• Consulta de inhabilitacións para obter subvencións e axudas.

• Consulta de concesións pola regra minimis.

• Poder da persoa representante que presenta a solicitude inscrito no rexistro competente.

Prazo de resolución: Cinco meses

Sentido do silencio: Negativo