Interpoñer a reclamación nos procedementos de adxudicación dos contratos recollida na Lei 31/2007, de 30 de outubro, sobre procedementos de contratación nos sectores da auga, a enerxía, os transportes e os servizos postais.

A quen teña lexitimación para interpoñer esta reclamación, segundo o artigo 102 da Lei 31/2007, de 30 de outubro, sobre procedementos de contratación nos sectores da auga, a enerxía, os transportes e os servizos postais.

Cumprir cos requisitos establecidos nos artigos 101 e seguintes da Lei 31/2007, de 30 de outubro, sobre procedementos de contratación nos sectores da auga, a enerxía, os transportes e os servizos postais.

• No escrito de interposición farase constar, segundo o Anexo FA903A , o acto contra o cal se recorre, o motivo que fundamente o recurso, os medios de proba de que pretenda valerse o recorrente e, de ser o caso, as medidas provisionais cuxa adopción solicite, e xuntarase tamén:

  • a) O documento que acredite a representación do comparecente, salvo se figura unido ás actuacións doutro recurso pendente ante o mesmo órgano, caso en que se poderá solicitar que se expida certificación para unir ao procedemento.

  • b) O documento ou documentos que acrediten a lexitimación do demandante cando a posúa porque lla transmitiu outro por herdanza ou por calquera outro título.

  • c) A copia ou traslado do acto expreso que se recorra, ou indicación do expediente en que recaera o acto, o periódico oficial ou perfil de contratante en que se publicara.

  • d) O documento ou documentos en que funde o seu dereito.

  • e) O xustificante de anunciar previamente o propósito de interpoñer a reclamación perante o órgano de contratación.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán achegar unha copia dos documentos.

• DNI/NIE da persoa reclamante.

• NIF da entidade reclamante.

• DNI/NIE da persoa representante.

• NIF da entidade representante.

• Os procedementos presentaranse preferentemente por vía electrónica a través dos formularios normalizados dispoñibles na sede electrónica da Xunta de Galicia, https://sede.xunta.gal.

En todo caso, ao abeiro da Lei 39/2015, de 1 de outubre, do Procedimento Administrativo Común das Administracións Públicas a presentación electrónica será obrigatoria para:  as Administracións públicas, as persoas xurídicas, as entidades sen personalidade xurídica, as persoas que exerzan unha actividade profesional para a que se requira colexiación obrigatoria para os trámites e actuacións que realicen coas Administracións públicas no exercicio da súa actividade profesional, as persoas representantes dunha das anteriores.

Se algunha das persoas interesadas obrigadas á presentación electrónica presenta a súa solicitude presencialmente, requeriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Aquelas persoas interesadas non obrigadas á presentación electrónica, opcionalmente, poderán presentar as solicitudes presencialmente en calquera dos lugares e rexistros establecidos na normativa reguladora destes procedementos, utilizando o formulario normalizado dispoñible na sede electrónica da Xunta de Galicia.

• A documentación complementaria presentarase preferiblemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibicion do documento orixinal para o cotexo da copia electrónica presentada.

A presentacion electrónica será obrigatoria para os suxeitos obrigados á presentación electrónica da solicitude. Se algunha das persoas interesadas presenta a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela na que fose realizada a emenda.

Aquelas persoas non obrigadas á presentación electrónica, opcionalmente, poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.

• A sede electrónica da Xunta de Galicia permite as persoas interesadas realizar trámites electrónicos, con posterioridade ao inicio do expediente, accedendo á Carpeta do cidadán da persoa interesada. Cando as persoas interesadas non resulten obrigadas á presentación electrónica das solicitudes tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.