1. O presente decreto ten por obxecto a creación do Rexistro de Intermediarios de Crédito Inmobiliario e do Rexistro de Prestamistas Inmobiliarios da Comunidade Autónoma de Galicia.

2. Así mesmo, é obxecto deste decreto a regulación dos ditos rexistros, incluído o seguinte procedemento relacionado:

- FA300D Recoñecemento e inscrición no Rexistro de Prestamistas Inmobiliarios, modificación de datos ou baixa no rexistro.

O procedemento de recoñecemento como prestamista inmobiliario e de inscrición no rexistro de prestamistas inmobiliarios da Comunidade Autónoma de Galicia iniciarase por solicitude da persoa que pretenda operar como prestamista inmobiliario.

Prestamistas inmobiliarios da Comunidade Autónoma de Galicia.

A inscrición no rexistro requirirá a verificación previa do cumprimento dos requisitos previstos no artigo 5 do Real decreto 309/2019, do 26 de abril.

• Anexo XI debidamente cuberto.

• No caso de persoas xurídicas, copia da escritura ou do documento de constitución, dos estatutos ou da acta fundacional, nos que consten as normas polas que se rexe a súa actividade, e, de ser distinta daquela, da documentación relativa ao nomeamento das persoas administradoras da entidade, así como da documentación xustificativa da inscrición, no seu caso, no Rexistro público que corresponda, segundo o tipo de persoa xurídica de que se trate.

• Documentación acreditativa da alta como autónomo e do CNAE. (Se se solicita o rexistro dunha persoa física).

• Descrición dos procedementos escritos e da capacidade técnica e operativa cos que se conta para o axeitado cumprimento dos requisitos de avaliación da solvencia do prestatario e potencial prestatario a que se refire o artigo 11 da Lei 5/2019, do 15 de marzo.

• Ficha de identidade do prestamista co contido previsto nas letras a), b), d) e f) do artigo 35.1 da Lei 5/2019, do 15 de marzo.

• Descrición dos medios internos cos que se conta para a resolución das queixas e reclamacións que presenten os potenciais prestatarios ou garantes relacionadas cos seus intereses e dereitos legalmente recoñecidos e que deriven de presuntos incumprimentos da Lei 5/2019, do 15 de marzo, das súas normas de desenvolvemento, dos estándares ou das boas prácticas e usos financeiros que resulten aplicables. Para estes efectos, deberase xuntar un documento coa súa política interna xustificativo da súa capacidade técnica e operativa que inclúa a seguinte información: (i) Composición da área responsable de resolver queixas e reclamacións; (ii) dependencia xerárquica da área; (iii) nomeamento do responsable; (iv) preparación e coñecementos do persoal desa área; (v) rexistro e tramitación das queixas e reclamacións; (vi) obrigación de resolver en menos de 1 mes e carácter vinculante da resolución só para o prestamista; (vii) procedemento para trasladar ao reclamante a resolución; (viii) información do prazo máximo de 1 ano desde a presentación para que reclamante acuda ao Administración Autonómica; e (ix) dirección de correo electrónico.

• Documentación acreditativa da designación de representante ante o Servizo Executivo da Comisión de Prevención do Branqueo de Capitais e Infraccións Monetarias conforme ao previsto no artigo 35.1 do Regulamento da Lei 10/2010, do 28 de abril, de prevención do branqueo de capitais e do financiamento do terrorismo, aprobado polo Real decreto 304/2014, do 5 de maio.

• Copia do plan de formación nos coñecementos e competencias a que se refire o artigo 16 da Lei 5/2019, do 5 de marzo, e a súa normativa de desenvolvemento. O dito plan debe informar sobre o procedemento establecido para asegurar a formación continua do persoal e o compromiso de que o plan será revisado periodicamente, indicando o prazo de revisión.

• Declaración de honorabilidade comercial e profesional debidamente cuberto con información relativa á persoa que pretenda operar como prestamista inmobiliario, no caso de ser esta persoa física. No caso de ser persoa xurídica, deberá achegarse un formulario por cada un dos administradores e, de ser algún destes persoa xurídica, tamén un formulario relativo á persoa física representante. A declaración deberá axustarse ao modelo do Anexo III.

• Documentación acreditativa de que a persoa solicitante, no caso de ser esta persoa física, ou os administradores daquela, de ser persoa xurídica, dispoñen do nivel de coñecementos e competencia a que se refire o artigo 16 da Lei 5/2019, do 15 de marzo, e a súa normativa de desenvolvemento. No caso de que algún dos administradores sexa persoa xurídica, a documentación prevista nesta letra deberá referirse á persoa física representante (Anexo III).

• Xustificación do aboamento da taxa. (Cod. 30.02.00).

• No caso de solicitude de recoñecemento e rexistro dunha persoa xurídica, anexos IV e V debidamente cubertos relativos aos datos das persoas administradoras e a comprobación de tales datos e, no seu caso, información do representante.

• Documento acreditativo da representación,

Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente no Anexo X e achegar unha copia dos documentos.

• DNI/NIE da persoa solicitante.

• DNI/NIE da persoa representante.

• Certificado de antecedentes penais.

Consentimento para a comprobación de datos. A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.

• NIF da entidade solicitante.

• Fase de solicitude
• Alta, baixa ou modificación das persoas administradoras ou persoas representantes designadas por unha persoa ICI (Anexo IV)
• Comunicación de variación de datos previamente achegados nos procedementos (Anexo VII)
• Solicitude (Anexo X)
• Datos específicos para o recoñecemento e inscrición no Rexistro dunha persoa intermediaria de crédito inmobiliario e modificación de datos (Anexo XI)
• Formulario para a avaliación da idoneidade (Anexo III)
• Comprobación de datos (Anexo V)

Prazo de resolución:

Tres meses desde a entrada da solicitude no rexistro do órgano competente para a súa tramitación.

Sentido do silencio:

Negativo