1. As persoas solicitantes autorizadas solicitarán o pagamento da axuda conforme o modelo previsto no anexo IV da presente resolución, na forma establecida no artigo 7.2 e dirixirase ao Servizo Territorial do Fogga onde radiquen os centros escolares correspondentes.

2. A periodicidade da solicitude de pagamento será mensual e abranguerá o período de subministración dun mes.

3. Salvo en casos de forza maior, as solicitudes de pagamento, para ser válidas, deberán estar correctamente cubertas e presentarse, a máis tardar, o último día do terceiro mes seguinte ao termo do período obxecto de solicitude. Non obstante, admitiranse as solicitudes presentadas no cuarto e quinto mes seguinte, e reduciríase o seu importe nun 5 % se o atraso é igual ou inferior a un mes, e nun 10 % se é superior a un mes pero inferior a dous.

4. Conforme ao previsto no artigo 20.3 da Lei 9/2007, do 13 de xuño, de subvencións de Galicia, a presentación da solicitude de concesión de subvención pola persoa interesada comportará a autorización ao órgano xestor para solicitar as certificacións que deban emitir a Axencia Estatal da Administración Tributaria, a Tesouraría Xeral da Seguridade Social e a consellería competente en materia de economía e facenda da Xunta de Galicia, salvo que o solicitante denegue expresamente o seu consentimento, debendo presentar entón a certificación nos termos previstos regulamentariamente.

Os alumnos dos centros escolares.

• Coas solicitudes de pagamento da axuda achegaranse:

  – O anexo V que conten os datos das subministracións realizadas e a relación de centros escolares participantes no mes que corresponda.

  – As correspondentes facturas xustificativas, que reflectirán, por separado, o custo total de cada produto subvencionado (base impoñible máis IVE) e o importe da axuda, así como unha proba do seu pagamento.

  – O certificado ou recibo do centro escolar das cantidades efectivamente subministradas.

  – O certificado do centro escolar do número de alumnos/as matriculados/as por nivel de ensino, número de alumnos/as participantes na liña de axuda e días lectivos referidos ao período da solicitude de pagamento.

  – As certificacións que deban emitir a Axencia Estatal da Administración Tributaria, a Tesouraría Xeral da Seguridade Social e a consellería competente en materia de economía e facenda da Xunta de Galicia, cando a persoa solicitante denegue expresamente o seu consentimento segundo establece o punto 4 deste artigo.

  A presentación da documentación complementaria farase nos termos establecidos no artigo 7.3 desta resolución.

Prazo de resolución: Tres meses

Sentido do silencio: Negativo